સૂચનો / થોડા દિવસ બારી-દરવાજા બંધ રાખજો...: ભારતમાં પહેલીવાર ધ્વસ્ત થશે 'ભ્રષ્ટાચારનો ટાવર', સ્વાસ્થ્ય માટે એડવાઇઝરી જાહેર

• નોઇડા સ્થિત ટ્વિન ટાવર્સને તોડી પડાશે
• ઓથોરીટીએ સ્વાસ્થ્ય માટેના સૂચનો આપ્યા 
• તાત્કાલિક ધોરણે સહાય માટે હોસ્પિટલનો સ્ટાફ પુરતો રખાયો

નોઇડાના સેક્ટર 93એમાં આવેલા ટ્વિન ટાવર્સ આજે બપોરે 2.30 વાગ્યે તોડી પાડવામાં આવશે. ટાવર તોડી પાડવાની તમામ તૈયારીઓ કરી લેવામાં આવી છે. ટાવરને તોડી પાડવા માટે 3700 કિલો ગનપાઉડરનો ઉપયોગ કરવામાં આવ્યો છે, જે માત્ર 12 સેકન્ડમાં ટાવર તોડી પાડશે. ટવીન ટાવરો તોડી પાડવા દરમિયાન આસપાસના લોકોને ઘણી સ્વાસ્થ્ય સમસ્યાઓનો સામનો કરવો પડી શકે છે. ગૌતમ બુદ્ધ નગરના ચીફ મેડિકલ ઓફિસર દ્વારા આરોગ્ય સલાહ જારી કરવામાં આવી છે.

લક્ષણો

• આંખ, નાક અને ચહેરા પર બળતરા
• શરીરમાં દુખાવો
• છાતીમાં દુખાવો
• અનિયમિત હૃદયના ધબકારા
• ઉધરસ આવવી
• નાક વહેવું
• નાક જકડાઈ જવું
• ઉબકા
• પેટમાં દુખાવા 

આસપાસના લોકોને ઉપરોક્ત સમસ્યાઓનો સામનો કરવો પડી શકે છે. જો સમસ્યાઓ વધુ જણાય તો નજીકના દવાખાનાનો સંપર્ક કરવો.

 

ट्विन टावर ध्वस्तीकरण के बाद सहायता के लिए कन्ट्रोल रूम की स्थापना की गई है

कन्ट्रोल रूम में तैनात अधिकारी आपदा प्रबन्धन की टीम एवं अस्पतालों के सम्पर्क में रहेंगे

आपातकालीन स्थिति में स्वास्थ्य सेवा मुहैया कराने के लिए नजदीकी अस्पतालों को अलर्ट पर रखा गया है।#TwinTowers pic.twitter.com/qkTwwMKzFC

— NOIDA Authority (@noida_authority) August 27, 2022

સમસ્યાઓ ટાળવા માટે શું કરવું જોઈએ

• બારીના બધા દરવાજા બંધ રાખો.
• ઘરના આખા ફ્લોરને વેક્યૂમ ક્લીનર અથવા ભીના પોતાથી સાફ કરો.
• ઘરની બધી ચાદરો અને ઓશીકાના કવર ધોઈ નાખો.
• ખોરાક અને પાણી પીતા પહેલા હાથ, પગ અને નખને સંપૂર્ણપણે સાફ કરો.
• ફેસ માસ્ક અને આંખો માટે ચશ્માનો ઉપયોગ કરો.

એડવાઈઝરીમાં જણાવાયું છે કે, જો ઉપરોક્ત કોઈ લક્ષણ દેખાય તો આ સ્થિતિમાં ગભરાશો નહીં, અને નજીકના અથવા તો નક્કી કરેલ હોસ્પીટલનો સંપર્ક કરો.