Seema Haider: પાકિસ્તાનની સીમા હૈદર અને સચિન સાથે UP ATSની ટીમે આજે પણ પુછપરછ કરી. બન્નેને તપાસ ટીમ પોતાની સાથે લઈ ગઈ છે. સોમવારે તપાસ ટીમે સીમા, સચિન અને સચિનના પિતા સાથે 8 કલાક સુધી પુછપરછ કરી. આ સમયે તપાસ ટીમે જોયું કે સીમાના મોબાઈલથી બધો ડેટા ડિલિટ છે.
Share
8 કલાક સુધી ચાલી સીમા હૈદરની પૂછપરછ
UP ATS ને મળ્યા અનેક પૂરાવા
સીમાના ફોનમાંથી ડિલિટ થયો છે ડેટા
પાકિસ્તાની સીમા હૈદર મામલાની તપાસ હવે UP ATS કરી રહી છે. તેમને આજે ફરી પુછપરછ માટે લઈ જવામાં આવ્યા છે. સોમવારે તપાસ ટીમે સીમા-સચિન પાસે 8 કલાકની પુછપરછ કરી. જેમાં ઘણા ચોંકાવનારા ખુલાસા થયા છે. આ પુછપરછ સોમવારે બપોરે અઢી વાગ્યાથી રાતના 10 વાગ્યા સુધી ચાલી. બન્નેના અલગ અલગ રૂમમાં બેસીને નિવેદન લેવામાં આવ્યા.
સચિનના પિતા સાથે પણ પુછપરછ
સચિનના પિતા સાથે પણ પુછપરછ કરવામાં આવી. તપાસ વખતે સીમાનો મોબાઈલ ચેક કરવામાં આવ્યો તો તેનો બધો ડેટા ડિલિટ મળ્યો. તપાસ એજન્સીઓનું માનીએ તો સીમાના મોબાઈલથી ઘણા રાઝ ખુલી શકે છે. પરંતુ તેણે પોતાનો દરેક ડેટા ડિલિટ કરી દીધો છે. હવે સીમાના મોબાઈલના ડેટાને રિકવર કરવામાં આવશે. તેની સાથે જ તેમને બીજા પણ ઘણા મહત્વના પુરાવા મળ્યા છે.
સીમાના કાકા અને ભાઈના પાકિસ્તાની આર્મીમાં હોવાનું પણ શંકા ઉભી કરી રહ્યું છે. સાથે જ સીમાના વગર વીઝા ઈન્ડિયા આવવાને લઈને પણ તેની સાથે પુછપરછ કરવામાં આવી રહી છે. યુપી ATSએ સોમવારે સીમા હૈદરના પાસપોર્ટ, આધાર કાર્ડ અને તેમના બાળકો સાથે જોડાયેલા દસ્તાવેજોની પણ તપાસ કરી છે. તપાસ વખતે ગ્રેટર નોએડા રબુપુરા વિસ્તારના હેડને પણ બોલાવવામાં આવ્યા હતા. સ્ટેશન હેડની તપાસમાં મળેલા પુરાવાને ATSએ પોતાની તપાસમાં શામેલ કર્યા છે.
પાક. આર્મી અને ISIના કનેક્શનની થશે તપાસ
તેની સાથે જ તેમણે ભારત નેપાલ બોર્ડર પર તૈનાત SSB પાસે પણ રિપોર્ટ માંગ્યો છે. સીમા હૈદરના ISI અને પાકિસ્તાની આર્મી સાથે કનેક્શનને લઈને પણ તપાસ ચાલી રહી છે. તેના ઉપરાંત સીમા હૈદર દ્વારા નોએડા પોલીસને પણ આપેલા નિવેદન અને ATSની પુછપરછમાં આપવામાં આવેલા સવાલ જવાબોનું મળું પણ નક્કી કરવામાં આવશે.
ત્યાં જ સીમાના પતિ ગુલામ હૈદર પાસે પણ યુપી ATS ફોન પર વાત કરશે. પછી સીમાના નિવેદન અને ગુલામના નિવેદનને મેચ કરવામાં આવશે. જણાવી દઈએ કે સીમા હૈદર મામલામાં તપાસ હવે યુપી ATS કરી રહી છે.
