ટેક્નો ટિપ્સ / નહીં પડે પાસવર્ડની જરૂર, ફટાક દઇને પેમેન્ટ થઇ જશે, સાથે સમય પણ બચશે, જાણો ટેક્નોલોજી

પાસવર્ડ વગર પણ UPI પેમેન્ટ કરી શકાય છે. આ ફીચર UPI Liteમાં મળે છે.  અગાઉ પાસવર્ડ વગર 500 રૂપિયા સુધી પેમેન્ટ કરી શકાતું હતું. પરંતુ ભારતીય રિઝર્વ બેંકે (RBI) UPI Lite દ્વારા કરવામાં આવતી ઑફલાઇન ડિજિટલ પેમેન્ટની ટ્રાન્ઝેક્શન મર્યાદા વધારીને 1000 રૂપિયા કરી દીધી છે. ચાલો જાણીએ UPI લાઇટ વિશે.

• શું છે UPI Lite?

UPI Lite એ યુનિફાઇડ પેમેન્ટ્સ ઇન્ટરફેસ (UPI)નું એક ઇઝી વર્ઝન છે. જે નાના પેમેન્ટ કરવા માટે બનાવવામાં આવ્યું છે. જેમાં યુઝર્સ કોઈ પિન વગર પ્રતિ ટ્રાન્જેક્શન 1000 રૂપિયા સુધી કરી શકે છે. તેમાં ફાસ્ટ પેમેન્ટ કરવા આ એપ ઑફલાઇન મોડમાં પણ કામ કરે છે.

• PIN વગર પણ કરી શકાય છે પેમેન્ટ

UPI Liteનો સૌથી મોટો ફાયદો એ છે કે તમે કોઈપણ પાસવર્ડ વગર પણ નાના પેમેન્ટ કરી શકો છો. આ સિવાય તમે UPI વોલેટથી ડાયરેક્ટ પેમેન્ટ પણ કરી શકો છો, જેનાથી તમે બેંકમાં બિનજરૂરી નાના  ટ્રાન્જેક્શન ટાળી શકો છો. UPI Lite પેટ્રોલ ભરવા, કરિયાણાની ખરીદી અને દરરોજના નાના ઑનલાઇન ટ્રાન્જેક્શનને ઈઝી બનાવે છે.

વધુ વાંચો : સ્મોલ ફાઈનાન્સ બેંકના ગ્રાહકો માટે ગુડ ન્યૂઝ, હવે UPI દ્વારા સરળતાથી મળશે લોન

• આ રીતે કરો UPI Liteનો ઉપયોગ

1. તમે Paytm, PhonePe, Gpay વગેરે પર UPI Lite એક્ટિવેટ કરી શકો છો.
2. એના માટે તમે જે એપનો ઉપયોગ કરતા હોય તેને ખોલો
3. UPI Lite વિકલ્પ પર જાઓ અને માંગવામાં આવેલી જાણકારી અને વેરીફીકેશનને પૂરી કરો.
4. તમારા UPI Lite વૉલેટમાં પૈસા ઉમેરો (5000 રૂપિયા સુધી)
5. પેમેન્ટ કરવા QR કોડ સ્કેન કરો અને પેમેન્ટ પર ઓકે કરો

બધા જ સમાચાર અને અપડેટ્સ મેળવવા માટે પ્લે સ્ટોર/ એપ સ્ટોર પર જઈને અથવા આ લાઈન પર ક્લિક કરીને ડાઉનલોડ કરો અમારી લેટેસ્ટ એપ