કરિયર / યંગ પ્રોફેશનલ માટે NHIDCLમાં ભરતી, 2.75 લાખ સુધી મળશે સેલરી

Published By: Nirav Kumar

Last Updated: 12:24 AM, 23 March 2026

FOLLOW ON

શેર કરો

NHIDCLમાં શાનદાર ભરતી પડી છે. જેમાં વિવિધ પોસ્ટ માટે 70,000 થી 2,75,000 રૂપિયા પ્રતિ મહિને પગાર મળશે. જેમાં ફોર્મ ભરવાની શરૂઆત થઇ ગઈ છે.

જો તમે સરકારી નોકરી મેળવવા માટે પ્રયાસ કરી રહ્યા હોવ તો તમારા માટે એક સારો મોકો આવ્યો છે. જેમાં નેશનલ હાઇવેઝ એન્ડ ઇન્ફ્રાસ્ટ્રક્ચર ડેવલપમેન્ટ કોર્પોરેશન લિમિટેડ (NHIDCL) એ ફ્રેશર્સ અને અનુભવી બંને માટે ભરતી પાડી છે. આ ભરતી પ્રક્રિયા 18 માર્ચ 2026 થી શરૂ થઈ છે. રસ ધરાવતા ઉમેદવારો 14 એપ્રિલ 2026 સુધી ઓનલાઈન અરજી કરી શકે છે.

પોસ્ટ્સની સંખ્યા

આ ભરતીમાં કુલ 37 જગ્યાઓ ભરવામાં આવશે. જેમાં કન્સ્ટ્રક્શન મેનેજમેન્ટમાં 10, ટેકનિકલમાં 10, હ્યુમન રિસોર્સિસ (HR) માં 4, ફાઇનાન્સમાં 7, લીગલમાં 3 અને IT માં 3 જગ્યાઓનો સમાવેશ થાય છે. આ બધા વિભાગોમાં એસોસિયેટ, સિનિયર એસોસિયેટ અને કન્સલ્ટન્ટ જેવા પદોનો સમાવેશ થાય છે.

એજ્યુકેશનલ ક્વોલીફીકેશન
આ ભરતીમાં દરેક પદ માટે પાત્રતા અલગ અલગ છે. કન્સ્ટ્રક્શન/ટેકનિકલ માટે સંબંધિત ક્ષેત્રમાં માસ્ટર ડિગ્રી, HR માટે સંબંધિત ક્ષેત્રમાં MBA, ફાઇનાન્સ માટે M.Com/CA/CMA/MBA (ફાઇનાન્સ), કાનૂની માટે LLB કે LLM અને IT માટે B.Tech કે M.Tech જરૂરી છે. IIT, NIT, IIM, કે નેશનલ લો યુનીવર્સીટી જેવી પ્રતિષ્ઠિત સંસ્થાઓમાં અભ્યાસ કરેલા ઉમેદવારોને પ્રાધાન્ય આપવામાં આવી શકે છે. વિદેશમાં ભણેલા લોકો પણ અરજી કરી શકે છે.

અનુભવ જરૂરી

આ ભરતી માટે વિવિધ પદો માટે અનુભવ પણ માંગવામાં આવ્યો છે. જેમાં એસોસિયેટ માટે 0 થી 2 વર્ષ, સિનિયર એસોસિયેટ માટે 2 થી 9 વર્ષ અને કન્સલ્ટન્ટ માટે 9 થી 15 વર્ષનો સમાવેશ થાય છે. આ ફ્રેશર્સ અને અનુભવી ઉમેદવારો બંને માટે મોકો પૂરો પાડે છે. વય મર્યાદા અંગે, એસોસિયેટ માટે મેક્સીમમ વય મર્યાદા 30 વર્ષ, સિનિયર એસોસિયેટ માટે 40 વર્ષ અને કન્સલ્ટન્ટ માટે 45 વર્ષ છે.

પગાર કેટલો?

આ ભરતી માટે પગાર પણ ખૂબ આકર્ષક છે. જેમાં એસોસિયેટને 70,000 થી 80,000, સિનિયર એસોસિયેટને 80,000 થી 150,000 અને કન્સલ્ટન્ટને 150,000 થી 275,000 પ્રતિ મહિને મળશે. પસંદગી પ્રક્રિયા ચાર તબક્કામાં પૂર્ણ થશે. જેમાં અરજી સ્ક્રીનીંગ, લેખિત પરીક્ષા, ગ્રુપ ડિસ્કશન અને પર્સનલ ઇન્ટરવ્યૂનો સમાવેશ થાય છે. જેમાં ઉમેદવારોએ દરેક તબક્કામાં પાસ થવું જરૂરી છે.