- નડિયાદ-અમદાવાદ હાઈવે પર અકસ્માતનો મામલો
- માતર પોલીસની તપાસમાં સમગ્ર મામલે નવો વળાંક
- અમદાવાદના 4 યુવકોના અકસ્માતની આડમાં હત્યા થયાનો ખુલાસો
7 દિવસ પહેલા નેશનલ હાઇવે નંબર 8 પર માતરના સોખડા ગામના ખેતરમાં આવેલી એક હોટલના પાર્કિંગમાં ઉભેલી એક ટ્રક પાછળ બાઇક ઘૂસી જવાન બનાવમાં અમદાવાદના 4 યુવકો મોતને ભેટયા હતા. પણ પોલીસે હાથ ધરેલી તપાસમાં બાઈક ચાલકોની સાથે એક્સેસ ગાડી પર સવાર ત્રણ અન્ય ઈસમો પણ હોવાનું સામે આવ્યું હતુ. જેમણે પોલીસને સમગ્ર ઘટના વિષે ભાળ આપી હતી અને જણાવ્યું હતું કે એક સ્કોર્પિયો કારે ઇરાદાપૂર્વક ટક્કર મારી યુવકોનું અકસ્માત વિથ મર્ડર કરી નાખ્યું હતુ. જેથી પોલીસે કાર્યવાહી કરી સ્કૉર્પિયોમાં સવાર ત્રણ લોકોને દબોચી લઇ તેમના રીમાન્ડ મેળવ્યા છે
અકસ્માતના દિવસે શું બન્યું હતું?
ગત 14 માર્ચના રોજ ખેડા જિલ્લામાં નડિયાદ-ખેડા બાયપાસ હાઈવે પર સોખડા પાટીયા વેસ્ટર્ન હોટલના પાર્કિંગમાં ઉભેલા એક કન્ટેનર પાછળ પૂરઝડપે આવતું એક બાઈક ધડામ દઇને અથડાયું. જેમાં બાઈક પર સવાર 4 યુવકોના મોત નિપજ્યાં છે. આ ચારેય મૃતક યુવકો અમદાવાદના રહેવાસી હોવાનું જાણવા મળ્યું હતું.હાઈ-વે પર કન્ટેનર પાછળ બાઈક અથડાયા બાદ ચારેય યુવકોના મૃતદેહ રસ્તા પર ખરાબ હાલતમાં પડ્યા હતાં. ઓવરસ્પીડના કારણે આ ગંભીર અકસ્માત સર્જાયો હોવાનું પ્રાથમિક અનુમાન હતું પણ પોલીસ તપાસમાં બાદમાં એક ખૂલ્યું હતું કે કોઈ સ્કૉર્પિયો કારે પીછો કરી બાઈક સવારને ટક્કર મારી હતી જે બાદ તે દિશામાં પોલીસ તપાસ તેજ કરી હતી.
કોના કોના મોત નિપજ્યાં હતા
- જીતેશ રમેશભાઇ નૌગીયા
- હરીશ દિનેશભાઇ રાણા
- નરેશ વિજયભાઇ વણઝારા
- સુંદરમ ઉર્ફે છોટુ સુભાષભાઇ યાદવ
કઈ રીતે અકસ્માત વીથ મર્ડરમાં કેસ ખપાવી દેવાનો કારસો રચાયો
પોલીસના જણાવ્યા અનુસાર પ્રથમ દ્રષ્ટિએ અકસ્માતનો ગુનો નોંધાયો હતો. પણ સમગ્ર બાબતે પૂછપરછ અને સીસીટીવીનું ચેકિંગ કરતા પોલીસને નજરે પડ્યું હતું કે કોઈ સ્કૉર્પિયો કાર સતત આ બાઈક સવાર યુવકોનો પીછો કરતી હતી. નડિયાદ મીલ રસ્તાથી લઈને સરદાર ભવન તેમજ ડભાણ ચોકડી આગળ આવેલા રધવાણજ ટોલ ટેક્ષના સીસીટીવી ચેક કરવામાં આવ્યા હતા. જેમાં GJ 01 RS 9847 નામની કાળા કલરની સ્કૉર્પિયો કર પુરપાટ ઝડપે બાઈક ચાલકોની પાછળ હોવાનું જણાઈ આવ્યું હતું.
કોણ છે આરોપીઑ?
- રવિ ગોપાલ તળપદા (સ્કૉર્પિયો ચાલક)
- ધર્મેશ ઉર્ફે કાળુ તળપદા
- વિજય ઉર્ફે દીપો અરવિંદ તળપદા
ઉપરોક્ત આરોપીઓ સાથે અન્ય કોઈ સંકળાયેલું છે કે કેમ તેની પણ પોલીસ પૂછપરછ અને તપાસ આદરી દીધી છે. આ ઘટના પ્રેમ પ્રકરણના કારણે ઘર્ષણ થયા બાદ ઘટી હોવાનું બહાર આવ્યું છે.
