તમારા કામનું / એલર્ટ.. ક્યાંક તમને તો આવો મેસેજ નથી આવ્યો ને! જો-જો ભૂલથી પણ લિંક ઓપન કરતા

India Post Fake SMS: સાયબર છેતરપિંડી આજકાલ એક મોટી સમસ્યા બની ગઈ છે. લોકો તેનો ભોગ બને છે અને આંખના પલકારામાં તેમની બધી કમાણી ખતમ થઈ જાય છે. સાયબર છેતરપિંડીનો આવો જ એક કિસ્સો પ્રકાશમાં આવ્યો છે. ખરેખર આજકાલ ઘણા લોકોને ઈન્ડિયા પોસ્ટના નામે એસએમએસ મળી રહ્યા છે. એસએમએસમાં લખ્યું છે કે તમારું પેકેજ આવી ગયું છે, તમારે જલ્દી તમારું સરનામું અપડેટ કરવું જોઈએ. જો તમે આ નહીં કરો તો પેકેજ પરત કરવામાં આવશે. સાયબર ફ્રોડ કરનારાઓ લોકોને તેમનું સરનામું અપડેટ કરવા માટે 24 કલાકનો સમય આપે છે.

હવે સરકારે આ મેસેજથી સાવધ રહેવાની સલાહ આપી છે. હકીકતમાં આ પદ્ધતિ અપનાવીને છેતરપિંડી કરનારાઓએ અગાઉ પણ લોકોને નિશાન બનાવ્યા છે. આ સંદેશ એટલો વાસ્તવિક છે કે લોકો માને છે કે તે ઇન્ડિયા પોસ્ટ તરફથી આવ્યો છે.

મેસેજમાં શું લખ્યું છે?

મેસેજમાં લખ્યું છે કે અમે બે વાર ડિલિવરીનો પ્રયાસ કર્યો પરંતુ સાચા સરનામાના અભાવે ડિલિવરી થઈ શકી નહીં. કૃપા કરીને 24 કલાકની અંદર તમારું સરનામું અપડેટ કરો, નહીં તો પેકેજ પરત કરવામાં આવશે. આ સાથે ફ્રોડ કરનારાઓ એક લિંક મેસેજ મોકલે છે, જેના પર ક્લિક કરવાથી તમારી બધી માહિતી તેમના સુધી પહોંચી જાય છે.

સરકારે શું કહ્યું?

કેન્દ્ર સરકારે આવા મેસેજોને છેતરપિંડી કરનારાઓની યુક્તિ ગણાવી છે. લોકોને આવા ખોટા મેસેજથી સાવધ રહેવાનું કહેવામાં આવ્યું છે. સરકારે કહ્યું છે કે ઈન્ડિયા પોસ્ટ ક્યારેય સરનામું અપડેટ કરવાનું કહેતા આવા કોઈ એસએમએસ મોકલતું નથી. એ પણ સ્પષ્ટ કરવામાં આવ્યું છે કે કોઈ લિંક મોકલવામાં આવી નથી.

આ પણ વાંચોઃ ફાયદાની વાત / Jioનો વધુ એક મોટો ધમાકો, 1.5 GB ડેટા અને મળશે અનલિમિટેડ કોલિંગ, જાણો કિંમત

ઈન્ડિયા પોસ્ટના નામે મોકલવામાં આવતા SMS સાથે સંકળાયેલી છેતરપિંડી અગાઉ પણ સામે આવી છે. સામાન્ય રીતે આવી છેતરપિંડીમાં લિંક્સ પર ક્લિક કરનાર વ્યક્તિને એવી વેબસાઇટ પર રીડાયરેક્ટ કરવામાં આવે છે જે સંપૂર્ણપણે નકલી હોય છે. ત્યાં તમારી સંવેદનશીલ માહિતી આપીને યૂજરનો ડેટા ચોરાઈ જાય છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ