વાયરલ / Video: નાનકડી દીકરી કારમાં બંધ થઇ ગઇ! પછી તેને જે કારનામું કર્યું, જોઇને ચોંકી જશો

સોશિયલ મીડિયા પર હાલ એક વીડિયો વાયરલ થઈ રહ્યો છે. તેલંગાણામાં બનેલી એક અનોખી અને હૃદયને સ્પર્શી જાય તેવી ઘટના દેશભરમાં ચર્ચાનો વિષય બની છે. વાત છે પેદ્દાપલ્લી જિલ્લાના સુલતાનાબાદની, જ્યાં એક નાની બાળકી કારમાં બંધ થઈ જાય છે. પછી જે બન્યું તે જોઈને ત્યાં હાજર લોકો પણ આશ્ચર્યચકિત થઈ ગયા. કારણ કે બાળકી પોતાની સમજદારી બતાવીને કારમાંથી જાતે જ બહાર નીકળી જાય છે. જુઓ શું બની હતી ઘટના?

શું છે સમગ્ર ઘટના?

મીડિયા રિપોર્ટ્સ મુજબ, આ ઘટના ત્યારે બની જ્યારે બાળકીનો પરિવાર લગ્ન પ્રસંગમાંથી પરત ફરી રહ્યો હતો અને હાઈવે પર એક મીઠાઈની દુકાન પર તેઓ મીઠાઈ લેવા ઊભા રહ્યા. ઘરના લોકોએ બાળકીને કારમાં જ બેસાડી રાખી અને ભૂલથી ચાવી પણ અંદર જ રહી ગઈ. અંતે કાર લોક થઈ ગઈ અને બાળકી અંદર જ બંધ થઈ ગઈ.

સમય પસાર થતો ગયો અને કારની અંદર ગરમી વધતી ગઈ. એ કારણે બાળકીની તબિયત પણ બગડવા લાગી. આ જોતા પરિવારના સભ્યો અને ત્યાં હાજર અન્ય લોકો ગભરાઈ ગયા હતાં. લોક ખોલવાના અનેક પ્રયત્નો થયા, પરંતુ લગભગ અડધો કલાક સુધી પણ કોઈ સફળતા મળી નહીં.

ત્યારે એક યુવક ત્યાં આવ્યો અને તેણે પોતાના ફોનમાં એક YouTube વીડિયો ચાલુ કર્યો. જેમાં કાર લોક ખોલવાની રીત બતાવવામાં આવી હતી. તેણે ફોનને કારની બારી પાસે રાખ્યો અને બાળકીને તે વીડિયોમાં જણાવ્યા મુજબ કરવાનું કહ્યું. આશ્ચર્યની વાત એ છે કે બાળકીએ બધી વાત સમજી અને લોક ખોલી નાખ્યું.

આ રીતે બાળકીએ YouTube ટ્યુટોરીયલ જોઈને પોતાનો બચાવ કર્યું

વધુ વાંચો: પ્રેમિકાને બેસાડીને કારનો સરોવરમાં ધક્કો મારી દીધો, પ્રેમી તરીને બહાર આવીને ગયો, 'પ્રેમનો કાંટો' કાઢ્યો

આ વીડિયો @MohammedBaleeg2 નામના X હેન્ડલ પરથી શેર કરવામાં આવ્યો છે. વીડિયોના નીચે કેપ્શનમાં લખ્યું છે, "એક વ્યક્તિએ કારમાં બંધ થયેલી બાળકીને બચાવવા માટે DIY વીડિયોનો ઉપયોગ કર્યો." આ વીડિયો સોશિયલ મીડિયાના અનેક પ્લેટફોર્મ પર ઝડપથી વાયરલ થઈ રહ્યો છે. લોકો બાળકીની બહાદુરી અને સમજદારીના ખૂબ વખાણ કરી રહ્યા છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ