નેશનલ / રેમન્ડ ગ્રુપના માલિક ગૌતમ સિંઘાનિયા અકસ્માતમાં ઘાયલ, મુંબઈની હોસ્પિટલમાં દાખલ

રેમન્ડ ગ્રુપના મેનેજિંગ ડિરેક્ટર ગૌતમ સિંઘાનિયા એક અકસ્માતમાં ઘાયલ થયા છે. તેમને મામુલી ઈજાઓ થઈ હતી. તેમના પ્રવક્તાએ જણાવ્યું કે તેમની મુંબઈની હોસ્પિટલમાં સારવાર ચાલી રહી છે. શુક્રવારે તેઓ માલદીવ ગયા હતા ત્યારે ઘાયલ થયા હતા. તેઓ જે સ્પીડબોટમાં મુસાફરી કરી રહ્યા હતા તે પલટી ગઈ હતી. સિંઘાનિયાને સામાન્ય ઈજાઓ થઈ અને તેઓ મુંબઈ પાછા ફર્યા છે.

પ્રવક્તાનું માનીએ તો આ એક દુર્ભાગ્યપૂર્ણ અકસ્માત હતો. ગૌતમ સિંઘાનિયાને ઈજાઓ થઈ હતી અને તેઓ મુંબઈમાં યોગ્ય સારવાર હેઠળ સ્વસ્થ થઈ રહ્યા છે. અમે તમારી શુભકામનાઓ બદલ આભાર માનીએ છીએ અને પ્રભાવિત મિત્રોની સુખાકારી માટે પ્રાર્થના કરીએ છીએ.

આ પણ વાંચોઃ મધ્ય પૂર્વમાં તણાવ વધતા DGCA સતર્ક, 11 દેશોના હવાઈ ક્ષેત્ર ટાળવા સૂચના

સ્થાનિક મીડિયા અહેવાલો અનુસાર સ્પીડબોટમાં સાત પ્રવાસીઓ સવાર હતા, જેમાં ભારતના પાંચ પ્રવાસીઓનો પણ સમાવેશ થાય છે. આ ઘટના શુક્રવારે સવારે 1:15 વાગ્યે વાવુ અટોલ સ્થિત વી ફેલિધૂ ટાપુ નજીક બની હતી. બોટ અચાનક પલટી ગઈ. જેમાં રેલીના ડ્રાઇવર હરિ સિંહ સામેલ હતા. ત્રણ લોકો ઘાયલ થયા હતા.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ