ચેતવણી / મધ્ય પૂર્વમાં તણાવ વધતા DGCA સતર્ક, 11 દેશોના હવાઈ ક્ષેત્ર ટાળવા સૂચના

DGCA advisory India: નાગરિક ઉડ્ડયન મહાનિર્દેશાલય (DGCA) દ્વારા ભારતીય એરલાઇન્સને સૂચના આપવામાં આવી છે કે ઈરાન, ઈઝરાયલ અને ગલ્ફ ક્ષેત્રના કુલ 11 દેશોના હવાઈ ક્ષેત્ર હાલ "ઉચ્ચ જોખમ" હેઠળ છે. આ દેશોમાં યુએઈ, કતાર, લેબનોન, કુવૈત, સાઉદી અરેબિયા, બહેરીન, ઓમાન, ઈરાક અને જોર્ડનનો સમાવેશ થાય છે. એરલાઇન્સને આ વિસ્તારો પર ઉડાન ભરવાથી બચવા અને વિકલ્પ રૂટ અપનાવવા કહેવામાં આવ્યું છે.

લશ્કરી સંઘર્ષથી વધ્યો જોખમ

તાજેતરમાં ઈરાન, ઈઝરાયલ અને યુનાઇટેડ સ્ટેટ્સ વચ્ચે વધતા સંઘર્ષને કારણે નાગરિક ઉડ્ડયન માટે ગંભીર જોખમ ઉભું થયું છે. ઈરાનમાં થયેલા હુમલાઓ અને તેના જવાબમાં સંભવિત પ્રતિકારને કારણે હવાઈ માર્ગ અસુરક્ષિત બન્યા છે. DGCA મુજબ આવી પરિસ્થિતિમાં પેસેન્જર વિમાનોને મિસાઇલ હુમલા અથવા અન્ય લશ્કરી પ્રવૃત્તિઓનો ખતરો રહે છે. તેથી એરલાઇન્સને કટોકટી માટે તૈયારી રાખવા પણ સૂચના આપવામાં આવી છે.

સરકાર અને એરલાઇન્સ વચ્ચે સતત સંકલન

નાગરિક ઉડ્ડયન મંત્રી રામ મોહન નાયડુએ જણાવ્યું છે કે સરકાર એરલાઇન્સ અને વિદેશી નિયમનકારો સાથે સતત સંપર્કમાં છે. પશ્ચિમ એશિયા યુરોપ અને અમેરિકા માટે મહત્વપૂર્ણ ટ્રાન્ઝિટ રૂટ હોવાથી આ નિર્ણયથી ફ્લાઇટ ઓપરેશન પર અસર પડી શકે છે. તેમ છતાં મુસાફરોની સુરક્ષા સર્વોચ્ચ પ્રાથમિકતા છે અને સરકાર તમામ જરૂરી પગલાં લઈ રહી છે.

DGCA એ આ રૂટ્સ ટાળવા કરી અપીલ

• ઈરાન
• ઈઝરાયલ
• યુએઈ
• કતાર
• લેબનોન
• કુવૈત
• સાઉદી અરેબિયા
• બહેરીન
• ઓમાન
• ઈરાક
• જોર્ડન

આ પણ વાંચો: બંગાળમાં EDની મોટી કાર્યવાહી, 16 સ્થળો પર દરોડા, લક્ઝરી કાર, રોકડ અને દાગીના સહિત કરોડોની સંપત્તિ જપ્ત

લાંબા રૂટ અને સુરક્ષા વ્યવસ્થાપનમાં પડકાર

મધ્ય પૂર્વમાં વધતા તણાવને કારણે લાંબા અંતરના રૂટ મેનેજ કરવો એરલાઇન્સ માટે પડકારરૂપ બન્યો છે. કેટલાક એરપોર્ટ પર કામગીરી મર્યાદિત હોવાથી વિમાનોને લાંબા અને વિકલ્પ માર્ગ અપનાવવા પડે છે. DGCA અને સરકાર મળીને મુસાફરો અને ક્રૂની સલામતી સુનિશ્ચિત કરવા માટે સતત કામગીરી કરી રહ્યા છે. જેથી ઉડ્ડયન સેવા નિયમિત અને સુરક્ષિત રહે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ