અવળચંડાઈ / પાકિસ્તાનની નફ્ફટાઈ! અટારી બોર્ડર પર પોતાના દેશના નાગરિકોને જ નો એન્ટ્રી!

પહેલગામ હુમલા બાદ પાકિસ્તાન સાથેના તણાવ વચ્ચે ભારત સરકારે પાકિસ્તાની નાગરિકોને અટારી સરહદથી પાછા ફરવાની મંજૂરી આપી છે. તેમ છતાં પાકિસ્તાન દ્વારા સવારથી ગેટ ખોલવામાં આવ્યા નથી. પાક. ન તો પોતાના નાગરિકોને પાછા લઈ રહ્યું છે અને ન તો પાકિસ્તાનમાં ફસાયેલા ભારતીય નાગરિકોને ભારત પાછા આવવાની મંજૂરી આપી રહ્યું છે. ભારતીય ઇમિગ્રેશન કાઉન્ટર પર ઇમિગ્રેશન અધિકારીઓ પાકિસ્તાનના ગેટ ખોલવાની રાહ જોઈ રહ્યા છે. સવારે અટારી બોર્ડર પર પહોંચેલા પાકિસ્તાની નાગરિકો હજુ પણ પોતાના વાહનોમાં પાકિસ્તાન જવાની રાહ જોઈને બેઠા છે. માહિતી અનુસાર પાકિસ્તાન તરફથી હજુ સુધી ગેટ ખોલવામાં આવ્યા નથી. ભારત સરકારના નવા આદેશની સમીક્ષા કરવામાં આવી રહી છે. પાકિસ્તાન તરફથી દરવાજો ખોલ્યા પછી BSF દસ્તાવેજોની તપાસ કરશે અને પાકિસ્તાનીઓને સરહદ પાર કરવાની મંજૂરી આપશે.

ભારત સરકારનો નવો આદેશ શું છે?

1 મેના રોજ ભારત સરકારે અટારી આંતરરાષ્ટ્રીય સરહદ બંધ કરવાનો નિર્ણય લઈને પાકિસ્તાનના નાગરિકોને મોટી રાહત આપી છે. ભારત સરકારના ગૃહ વિભાગ દ્વારા જારી કરાયેલા આદેશમાં કહેવામાં આવ્યું છે કે 1 મેના રોજ અટારી આંતરરાષ્ટ્રીય સરહદ પર તમામ અવરજવર અને વેપાર સંપૂર્ણ બંધ કરવાના આદેશ છતાં પાકિસ્તાની નાગરિકોને હજુ પણ સરહદ પાર કરવાની મંજૂરી આપવામાં આવશે. આગામી આદેશ સુધી ભારતમાં હાજર પાકિસ્તાની નાગરિકો અટારી બોર્ડર દ્વારા તેમના દેશમાં પાછા ફરી શકે છે.

આ પણ વાંચો: ''અમે ઘરડા થયા પણ અમારી ખુમારી...'', 1971ના યુદ્ધમાં મદદ કરનારી વીરાંગનાઓનો જુસ્સો આજેય અડીખમ

પાક. નાગરિકોને ભારત સરકાર તરફથી રાહત

માન્ય ટ્રાવેલ વિઝા સંપૂર્ણ દસ્તાવેજો અને કોઈપણ કારણોસર ભારતમાં ફસાયેલા નાગરિકોને હજુ પણ સરહદ પાર કરવાની મંજૂરી આપવામાં આવશે. અગાઉ 1 મેના રોજ ભારત સરકારે અટારી સરહદથી તમામ નાગરિક અવરજવર અને વેપાર કામગીરીને સંપૂર્ણપણે બંધ કરવાના આદેશો જારી કર્યા હતા. પરંતુ હવે પાકિસ્તાની નાગરિકોને ભારત સરકાર તરફથી મોટી રાહત મળી છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ