બંગાળ / VIDEO : બસ ડ્રાઈવરના ઘેરથી થેલે થેલા ભરીને રૂપિયા નીકળ્યાં, ગણતાં ગણતાં તો મશીનોએ તોડ્યો દમ

બંગાળના એક ડ્રાઈવરે એટલા બધા પૈસા ભેગા કરી નાખ્યાં કે મશીનો પણ ગણતાં ગણતાં બંધ પડી ગયા હતા. આ ડ્રાઈવરે તો કૂબેરનો પણ રેકોર્ડ તોડી નાખ્યો.પશ્ચિમ બંગાળના બીરભૂમમાં મીનાર મંડલના ઘરમાંથી ઓછામાં ઓછા 28 કરોડ રૂપિયાની રોકડ જપ્ત કરવામાં આવી છે. આ બસ ડ્રાઈવરના ઘેરથી મળી આવેલા પૈસા ગણવા માટે પોલીસે 5 મશીનો મંગાવ્યા હતા જે પણ ગણતાં ગણતાં બંધ પડી ગયા હતા.

15 કિલો સોનું પણ જપ્ત

આ જપ્તીમાં 15 કિલો સોનું શામેલ છે, જેની બજાર કિંમત લગભગ 21 કરોડ રૂપિયા છે.રોકડ રકમની રિકવરી બાદ મીનાર મંડલની ધરપકડ કરવામાં આવી છે. તેણે પોલીસ સમક્ષ કબૂલાત કરી હતી કે રોકડનો ઢગલો અને સોનું તુલુ મંડલ અને તેના કથિત "ગેરકાયદેસર સિન્ડિકેટ"નું છે.

આખી રાત પોલીસે પૈસા ગણતી રહી

બુધવારે રાત્રે દરોડા શરૂ થયા હતા અને પોલીસે શરૂઆતમાં 5.5 કરોડ રૂપિયાથી વધુ રોકડા ગણ્યા હતા. સવાર સુધીમાં રોકડાનો ઢગલો 28 કરોડ રૂપિયાથી વધુ થઈ ગયો હતો. પોલીસે જણાવ્યું હતું કે મીનાર મંડલ પથ્થરના વેપાર સાથે પણ સંકળાયેલો છે અને તુલુ મંડલની માલિકીની પથ્થરની ખાણો અને ક્રશિંગ યુનિટ સાથે તેના સંબંધો છે.

શું બોલ્યાં મુખ્યમંત્રી સુવેન્દુ અધિકારી

મુખ્યમંત્રી સુવેન્દુ અધિકારીએ બુધવારે જણાવ્યું હતું કે ભ્રષ્ટાચાર સામે તેમની સરકારનું અભિયાન "ઝીરો-ટોલરન્સ નીતિ" સાથે ચાલુ રહેશે.

આ પણ વાંચોઃ આજે સુરત સહિત દક્ષિણ ગુજરાતને ઘમરોળશે મેઘરાજા, જાણો હવામાનની લેટેસ્ટ આગાહી

કોણ છે આરોપી

સૂત્રોએ જણાવ્યું હતું કે મિનાર રાજ્ય પરિવહન વિભાગનો ભૂતપૂર્વ કર્મચારી હતો અને પથ્થરના વ્યવસાયમાં પ્રવેશતા પહેલા બસ ડ્રાઇવર તરીકે કામ કરતો હતો. તેણે આટલી મોટી રકમ કેવી રીતે એકઠી કરી તે હજુ સ્પષ્ટ નથી અને તેની આવકના સ્ત્રોતોની તપાસ કરવામાં આવી રહી છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ