મુદત પૂર્ણ / નેશનલ હાઈ-વેના ટોલ ટેક્સ પર આવી રીતે ઉઘાડી લૂંટ, વાહન ચાલકોને હજારો રૂપિયાનું નુકસાન, વલસાડમાં રિયાલિટી ચેકમાં મોટો ઘટસ્ફોટ

• વલસાડ નેશનલ હાઈ-વે પર ઉઘાડી લૂંટ
• બગવાડા ટોલનાકાની મુદત પૂર્ણ છતાં 100 ટકા ટેક્સની વસુલાત
• વાહન ચાલકોને હજારો રૂપિયાનું નુકસાન

રાજ્યના છેવાડે આવેલા વલસાડ જિલ્લામાંથી પસાર થતા નેશનલ હાઈવે 48 પર રોજના 10,000 થી પણ વધુ વાહનો પસાર થાય છે. વાહનચાલકો પાસેથી ટોલનાકાના સંચાલકો 100 રૂપિયાથી લઈને 450 રૂપિયા સુધીના ટોલ ઉઘરાવે છે. ત્યારે આ ટોલનાકાના સંચાલકો દ્વારા નીતિ નિયમો નેવે મૂકીને આડેધડ રૂપિયા ઉઘરાવવામાં આવતા હોવાનું VTV ન્યૂઝના રિયાલિટી ચેકમાં ભોપાળુ છતું થયું છે. જેને લઈને વાહનચાલકમકોના મહેનતની કમાણી પર તરાપ માર્યા IRBની લૂંટ પર બ્રેક લગાવવા માંગ ઉઠી છે.

VTV ન્યૂઝના રિયાલિટી ચેકમાં છતું થયું ભોપાળુ

આ અંગેની જાણવા મળતી વિગત અનુસાર વાપી પાસે આવેલ બગવાડા ટોલનાકાની મુદત પૂર્ણ થઈ ગઈ છે. જે તે વખતે હાઇવે બનાવવા માટે જે ખર્ચ કંપની દ્વારા કરવામાં આવેલો તે મુદત પૂર્ણ થઈ ગઈ છે .હવે ટોલ નાકા દ્વારા માત્ર ટોલ રૂપે માત્ર 40% રૂપિયા લઈ શકે છે. તેવું જાણવા મળી રહ્યું છે. પરંતુ જ્યારે VTV ન્યૂઝએ વાપી પાસે આવેલ બગવાડા ટોલનાકા પર રિયાલિટી ચેક કરતા તંત્ર વાહન ચાલકો પાસેથી સો ટકા રૂપિયા વસુલતું હોવાનું ઉઘાડું પડ્યું હતું.સુરત દહીસર સુધી પહેલા લંબાયેલ આ બગવાડા ટોલનાકા પર રોજના હજારો વાહનોની અવરજવરને પગલે આશરે 50 લાખથી પણ વધુ રકમની આવક થઈ રહી છે. જેમાં  આ રોડની મુદત પૂર્ણ થઈ જવા છતાં પણ ટોલનાકાના સંચાલકો વાહન ચાલકો પાસે રોજની લાખોની ઉઘાડી લૂંટ કરી રહ્યા છે.

કાર્યવાહી કરવા વાહનચાલકોમાં માંગ

રિયાલિટી ચેકમાં બહાર આવ્યું છે કે ટ્રાન્સપોર્ટ માલિકોને રોજના લાખો રૂપિયાનો ધુમ્બો મારવામાં આવી રહ્યો છે. ટોલનાકાની મુદત પૂર્ણ થઈ ગઈ હોવાથી માત્ર ટોલનાકા સંચાલકો માત્ર 40% રકમ વસુલે તે અંગે કાર્યવાહી કરવા વાહનચાલકોમાં માંગ ઉઠી છે.