BMC Election 2026 / Video: અક્ષય કુમારથી લઇને સચિન સુધી..., અનેક હસ્તીઓએ કર્યું BMC ચૂંટણીમાં મતદાન

BMC Election 2026: એશિયાનો સૌથી મોટી મહાનગર પાલિકા માટે મતદાન આજ સવારના 7.30 વાગ્યાથી શરૂ થઈ ગયું છે. મહારાષ્ટ્રમાં 29 મહાનગરપાલિકાઓ માટે મતદાન થઈ રહ્યું છે. સવારના 7.30 વાગ્યાથી વોટિંગ શરૂ થઈ ગયું છે અને સાંજના 5.30 વાગ્યા સુધી મતદાન ચાલશે જેની મતગણતરી આવતીકાલ 16 જાન્યુઆરીના રોજ થશે. 29 મહાનગર પાલિકામાં કુલ 3.48 કરોડ વૉટર્સ છે અને 15931 ઉમેદવારો મેદાનમાં ઉતર્યા છે. સૌથી મોટી લડાઈ BMC ને લઈને છે જેના માટે ખરાખરીનો જંગ ખેલાશે.

મુંબઈ મહાનગર પાલિકામાં કુલ 10344315 મતદાતાઓ છે. જેમાં 5515707 પુરુષ, 4826509 મહિલાઓ અને 10999 અન્ય સામેલ છે. આ વખતની ચૂંટણીમાં 1700 ઉમેદવારો મેદાનમાં તેમની કિસ્મત આજમાવવા માટે ઉતર્યા છે. જેમાં 878 મહિલાઓ અને 822 પુરુષોનો સમાવેશ થાય છે.

ક્યાં ચાલી રહ્યું છે મતદાન?

BMC ઉપરાંત થાણે, નવી મુંબઈ, પૂણે, નાગપુર, નાશિક, કોલ્હાપુર, ઔરંગાબાદ ( છત્રપતિ સંભાજી નગર) સહિત કુલ 28 મોટી મહાનગર પાલિકામા મતદાન થઈ રહ્યું છે. મુંબઈ સહિત અનેક શહેરોમાં 25000 થી વધી પોલીસ કર્મચરીઓને મેદાનમાં ઉતારાયા છે જેથી શાંતિપૂર્ણ મતદાન થઈ શકે. જેમાં ACPs, DCPs, SRPF અને QRT હોમગાર્ડનો સમાવેશ થાય છે. આ વખતે વોટિંગ પ્રક્રિયામાં મોટો ફેરફાર કરવામાં આવ્યો છે. મુંબઈના BMC માં એક વોટર એક જ વોટ કરશે જ્યારે બાકીના 28 મહાનગર પાલિકા ક્ષેત્રમાં એક વોટર ચાર વોટ આપશે. આનું કારણ એ છે કે મુંબઈ સિવાય અન્ય નગમ નગરમાં બહુ-સભ્ય મતદાન સિસ્ટમ અપનાવશે.

મુંબઈ મહાનગર પાલિકામાં 227 સીટ્સ છે. અંહિયા મતદાર એક વાર જ વોટ નાખે છે અને ને 28 મહાનગર પાલિકામાં વોટર ચાર વાર મતદાન કરે છે. એટલે કે એલ વૉટરે 4 EVM માં વોટ નાખવાનો હોય છે. આ એટલા માટે કે ત્યાં એક વોર્ડમાં 4 સભ્ય (નગર સેવક) ચૂંટાય છે ત્યાં બહુ-સભ્યપધ્ધતિ છે. એટલે એક મતદારે 4 વાર મત આપવાનો હોય છે.

અક્ષય કુમાર અને સચિન તેંડુલરે કર્યું મતદાન

મુંબઈ મહાનગર પાલિકાના મતદાન માટે સવારથી લોકો મત કરવા માટે ઉમટ્યા છે અને લાઇનમાં ઊભા છે જેમાં બૉલીવુડ સ્ટાર્સ પણ મતદાન કરી રહે છે. બૉલીવુડના અક્ષય કુમાર, નાના પટેકર, કૈલાશ ખેર, ગુલઝાર, જુનેદ ખાન, જોન અબ્રાહમ, સુનિલ શેટ્ટી, તો ક્રિકેટર સચિન તેંડુલકર, ઉત્તર પ્રદેશના પૂર્વ રાજ્યપાલ અને બીજેપીના સિનિયર નેતા ઉપરાંત, સીએમ દેવેન્દ્ર ફડણવીસ, રાજ ઠાકરે, પ્રિયંકા ચાતુર્વેદી, કેન્દ્રીય મંત્રી નીતિન ગડકરી, શનાયા NC પણ વોટિંગ માટે પહોંચ્યા હતા.

અક્ષય કુમારે વોટ કર્યા પછી કહ્યું હતું કે

"આજે BMC ની ચૂંટણી છે, હું દરેક લોકોને કહીશ કે વોટ ચોક્કસ કરે જેથી આપણે મતદાન કરીને સાચી વ્યક્તિને ચૂંટી શકીએ."

આ પણ વાંચો: મહાયુતિ vs ઠાકરે બંધુ: આજે મુંબઈ સહિત 29 મ્યુનિ. કોર્પોરેશનનું ઇલેક્શન, મતદાન શરૂ

બીજેપી સાંસદ હેમા માલિનીએ વોટ કર્યા પછી કરી અપીલ

BMC ઇલેક્શનમાં વોટ કર્યા પછી એક્ટ્રેસ અને બીજેપી સાંસદ હેમા માલિનીએ કહ્યું કે

" હું દરેકને આગ્રહ કરું છું કે બહાર નીકળીને વોટ કરો. મારી જેમ જ, હું આજે સવારે વોટ કરવા આવી હતી. જો તમે મુંબઈમાં સુરક્ષા, પગતિ, સ્વચ્છ હવા અને ખાડામાંથી રાહત ઈચ્છો છો તો બધાએ જવાબદારી લેવી પડશે અને વોટ કરવો પડશે. તમારા મતાધિકારનો ઉપયોગ કરીને જ તમે મુંબઈને - જેને હું દુનિયાનું સૌથી સારું શહેર ગણું છું તેને વધુ સારું બનાવી શકો છો. હું મુંબઈના તમામ નાગરિકોને અનુરોધ કરું છું કે તેઓ આવે અને સાચા ઉમેદવારોને વોટ કરે."

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ