VIDEO / 4,6,6,6,4,6..MIના Romarioએ એક ઓવરમાં બોલરને જબરદસ્ત કૂટ્યો, ફટકાર્યા 32 રન

𝐓 𝐎 𝐃 - 𝐏 𝐇 𝐎 𝐃 🔥#MumbaiMeriJaan #MumbaiIndians #MIvDC #ESADay #EducationAndSportsForAllpic.twitter.com/IaVPjFsUoa

— Mumbai Indians (@mipaltan) April 7, 2024

વાનખેડે સ્ટેડિયમમાં રમાઈ રહેલી મુંબઈ ઈન્ડિયન્સ vs દિલ્હી કેપિટલ્સ મેચમાં મુંબઈએ પ્રથમ બેટિંગ કરી છે. એક તરફ ટીમની શરૂઆત શાનદાર રહી છે. છેલ્લી 4 ઓવરમાં મુંબઈના બેટ્સમેનોએ દિલ્હીના બોલરોને બરાબરના ધોયા હતા. પરંતુ મુંબઈ માટે સૌથી મોટો હીરો રોમારિયો શેફર્ડ રહ્યો હતો. જેણે છેલ્લી ઓવરમાં 32 રન ફટકાર્યા હતા અને મુંબઈ ઈન્ડિયન્સને 234 રનના સ્કોર સુધી લઈ ગયો હતો. એક સમયે એવું લાગતું હતું કે MI માટે 215 રનનો સ્કોર પણ હાંસલ કરવો મુશ્કેલ રહશે પરંતુ શેફર્ડે એવી સિક્સર ફટકારી કે વાનખેડે સ્ટેડિયમમાં હાજર લોકો આનંદથી જૂમી ઉઠ્યાં હતાં

👨‍🔧 "It's a me Ro-Mario"🔥#MumbaiMeriJaan #MumbaiIndians #MIvDC #ESADay #EducationAndSportsForAll pic.twitter.com/5i6Ow85l3X

— Mumbai Indians (@mipaltan) April 7, 2024

રોમારિયો શેફર્ડેની ધુઆધાર બેટિંગ
19મી ઓવરમાં મુંબઈ ઈન્ડિયન્સનો સ્કોર 5 વિકેટે 202 રન હતા. દિલ્હી તરફથી છેલ્લી ઓવર એનરિચ નોર્ટજે ફેંકી હતી. રોમારિયો શેફર્ડે તેના પ્રથમ બોલ પર ચોગ્ગો ફટકાર્યો હતો. તેણે બીજા, ત્રીજા અને ચોથા બોલ પર પણ સિક્સરની હેટ્રિક ફટકારીને મેદાનમાં બલ્લે બલ્લે કરી દીધો હતો. પહેલા 4 બોલમાં 22 રન આવ્યા હતા. તેણે નોર્ટજેના પાંચમા બોલ પર ચોગ્ગો અને છેલ્લા બોલ પર છગ્ગો ફટકારીને ઓવરમાં કુલ 32 રન બનાવ્યા હતા. એનરિક નોર્ટજેએ 2 વિકેટ ઝડપી હતી પરંતુ 4 ઓવરમાં 65 રન આપ્યા હતા.

વાંચવા જેવું: 'IPL જરૂરી છે કે T20 વર્લ્ડ કપ?' MI સામેની મેચ પહેલા રિષભ પંતનો એક વિડીયો થયો વાયરલ

મુંબઈ છેલ્લી પાંચ ઓવરમાં 96 રન બનાવ્યા હતા
15મી ઓવર પછી મુંબઈ ઈન્ડિયન્સનો સ્કોર 4 વિકેટે 138 રન હતો અને અહીંથી તેના માટે 200 રનના સ્કોર સુધી પહોંચવું મુશ્કેલ લાગતું હતું. પરંતુ ટિમ ડેવિડ અને રોમારિયો શેફર્ડે એવી તોફાની બેટિંગ કરી કે, 5 ઓવરમાં 96 રન બનાવી લીધા હતા. છેલ્લી 5 ઓવરમાં મુંબઈ ઈન્ડિયન્સ દ્વારા 9 ગગનચુંબી સિક્સર ફટકારવામાં આવી હતી. જો આખી ઈનિંગ્સ પર નજર કરીએ તો એમઆઈના બેટ્સમેનોએ 14 સિક્સર ફટકારી હતી.

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો