મુંબઇ / નવી મુંબઇનું ઈન્ટરનેશનલ એરપોર્ટ બનીને તૈયાર, જે એકસાથે 9 કરોડ મુસાફરને કરશે હેન્ડલ

મુંબઈના નવા ગ્રીનફિલ્ડ નવી મુંબઈ આંતરરાષ્ટ્રીય એરપોર્ટ (NMIA) ના ઉદ્ઘાટનનું કાઉન્ટડાઉન હવે તેજીથી ચાલી રહ્યું છે. બુધવાર, 8 ઓક્ટોબર 2025ના રોજ અદાણી ગ્રુપના ચેરમેન ગૌતમ અદાણીએ પ્રોજેક્ટ સાઇટની મુલાકાત લીધી અને એરપોર્ટની અંતિમ તૈયારીઓની વ્યાપક સમીક્ષા સાથે વ્યક્તિગત વોકથ્રુ કર્યું.

આ મુલાકાત દરમિયાન અદાણીએ એરપોર્ટનું સંપૂર્ણ નિરીક્ષણ કર્યું, જે એકવાર પૂરેપૂરું કાર્યરત થતાં જ દર વર્ષે 90 મિલિયન મુસાફરોની ક્ષમતા ધરાવશે. આ ક્ષમતા NMIAને વિશ્વના સૌથી મોટા અને અદ્યતન એરપોર્ટ્સમાં સ્થાન અપાવશે. ટેકનિકલ પ્રગતિ અને ઓપરેશનલ તૈયારીઓનું મૂલ્યાંકન કરવા ઉપરાંત અદાણીએ પ્રોજેક્ટમાં જોડાયેલા લોકો સાથે દિવસ વિતાવ્યો. તેમણે સ્પષ્ટ કર્યું કે માળખાગત સુવિધાઓ ફક્ત સ્ટીલ અને કાચથી જ નહીં પણ માનવીય ભાવનાઓ અને સમર્પણથી રચાય છે.

ગૌતમ અદાણીએ બાંધકામ કામદારો સાથે ચર્ચા કરી, તેમની યાત્રા સમજી અને પ્રોજેક્ટને સાકાર કરનારા ઇજનેરો તથા ટીમોને મળ્યા. સલામતીમાં મહત્વપૂર્ણ ભૂમિકા ભજવનારા અગ્નિશામક કર્મચારીઓ સાથે પણ તેઓ જોડાયા. આ ઉપરાંત ટર્મિનલના એક રિટેલ આઉટલેટમાં કામ કરતા દિવ્યાંગ કર્મચારીઓ સાથે સમય વિતાવ્યો, જે NMIAની સમાવેશીતા અને તકો પ્રત્યેની પ્રતિબદ્ધતાનું પ્રતીક છે.

આ મુલાકાત પછી ગૌતમ અદાણીએ જણાવ્યું: “અહીંના દરેક રનવે, દરેક ટર્મિનલ અને દરેક ગેટ પર હજારો હાથ અને હૃદયની છાપ છે. આ ફક્ત એરપોર્ટ નથી, પરંતુ ભારતની ભાવનાઓનું સ્મારક છે.”

આ પણ વાંચો : ફ્રીલાન્સિંગ જોબની લાલચમાં યુવક લાખોમાં રોયો, કિસ્સો સાંભળી પગ નીચેથી જમીન સરકી જશે

PM દ્વારા 8 ઓક્ટોબરના રોજ થનાર ઔપચારિક ઉદ્ઘાટન પહેલાં NMIAને અંતિમ ઓપ આપવામાં આવી રહ્યો છે. આ નવું એરપોર્ટ મુંબઈમાં મુસાફરોની ભીડ ઓછી કરશે, આર્થિક વિકાસને વેગ આપશે અને ભારત માટે એક ગૌરવપૂર્ણ પ્રવેશદ્વાર સાબિત થશે – જે દેશની મહત્વાકાંક્ષા, સહકાર અને વિશ્વાસની દીવાદાંડી બની રહેશે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ