કોવિડ 19 / કોરોના સંકટ વચ્ચે લગભગ ત્રણ અઠવાડિયા પછી મુંબઈથી આવ્યા મોટી રાહતના સમાચાર

• કોરોનાના કેસોમાં નોંધાયો મોટો ઘટાડો 
• લોકડાઉન જેવા પ્રતિબંધોના લીધે હોઇ શકે અસર 
• મુંબઈમાં આજે નવા કેસ કરતાં સાજા થનારની સંખ્યા વધુ 

જો કે આ દુ:ખદાયક સમાચાર વચ્ચે, મહારાષ્ટ્રની રાજધાની મુંબઇથી એક રાહતની માહિતી બહાર આવી છે. મુંબઈમાં કોરોના કેસોમાં ઘટાડો જોવા મળ્યો છે. લોકડાઉન જેવા પ્રતિબંધો લાદવાના થોડા દિવસો પછી, મુંબઈમાં કોરોના કેસોનો આંક નીચે આવી ગયો છે. શહેરમાં નવા કેસોની સંખ્યાએ સાજા થનાર વધુ છે. છેલ્લા 24 કલાકમાં, મુંબઈમાં કોરોના વાયરસના 5,888 નવા કેસ મળી આવ્યા છે, જ્યારે આ સમયગાળા દરમિયાન 8,549 સાજા થયા છે. મુંબઈમાં છેલ્લા ત્રણ અઠવાડિયા પછી પહેલીવાર, દૈનિક ધોરણે આટલા ઓછા કેસો નોંધાયા છે. 31 માર્ચે, 5,394 નવા કેસ નોંધાયા હતા, જ્યારે 12 એપ્રિલથી, દરરોજ 7 હજારથી વધુ કોરોના કેસ મળી રહ્યા છે.

Our recoveries exceed the new cases of covid today.
A good drop in cases but not enough. Let’s stay home, mask up and stay safe! https://t.co/AmiQBuklar

— Aaditya Thackeray (@AUThackeray) April 24, 2021

છેલ્લા 24 કલાકમાં 71 લોકોનાં મોત થયાં

છેલ્લા 24 કલાકમાં, કોરોનાને કારણે મુંબઈમાં 71 લોકોએ જીવ ગુમાવ્યા. આ ઉપરાંત, શહેરમાં ચેપગ્રસ્ત લોકોની કુલ સંખ્યા વધીને 6,22,109 થઈ છે. પાછલા દિવસે (શુક્રવારે) મુંબઈમાં 7,221 નવા કેસ મળી આવ્યા હતા. તે જ સમયે, 72 લોકોએ જીવ ગુમાવ્યો. ગુરુવારે શહેરમાં કોરોના વાયરસને કારણે 75 લોકોનાં મોત નીપજ્યાં હતાં. છેલ્લા એક દિવસમાં શહેરમાં 40 હજાર લોકોની કોરોના તપાસ કરવામાં આવી છે. જો કે, પહેલા દિવસે 42 હજાર પરીક્ષણો કરાયા હતા. તે જ સમયે, દૈનિક પોઝિટીવીટી રેટ પાછલા અઠવાડિયાના 18 ટકાની તુલનામાં 15 ટકા પર આવી ગયો છે. કોવિડ કેસોનો વિકાસ રેટ ઘટીને 1.26 ટકા થયો છે.

મહારાષ્ટ્રના પ્રધાન આદિત્ય ઠાકરેએ આ અંગે ટ્વીટ કર્યું છે

મહારાષ્ટ્રના મંત્રી આદિત્ય ઠાકરેએ દર્દીઓની સાજા થવાની વધતી સંખ્યા પર ખુશી વ્યક્ત કરી હતી. તેમણે ટ્વિટ કર્યું હતું કે આજે જે નવા કેસ સામે આવ્યા છે તેના કરતા વધુ લોકો સાજા થયા છે. નવા દર્દીઓની સંખ્યામાં પણ ઘટાડો થયો છે, પરંતુ આ પૂરતું નથી. ઘરે રહો, માસ્ક પહેરો અને સલામત બનો. 

જોકે, રાજ્યભરમાં ફરી એકવાર કોરોના કેસોમાં વધારો થયો છે. આજે 67,160 નવા કેસ નોંધાયા છે, જે પછી કુલ સંખ્યા વધીને 42,28,836 થઈ ગઈ છે. છેલ્લા 24 કલાકમાં, 63,818 લોકોને રજા આપવામાં આવી છે, જ્યારે 676 લોકોએ પોતાનો જીવ ગુમાવ્યો છે. કુલ મૃત્યુઆંક વધીને 63928 થયો છે. આ રોગને હરાવીને અત્યાર સુધીમાં 34,68,610 લોકો સાજા થયા છે. રાજ્યમાં સક્રિય કેસોની સંખ્યા 6,94,480 છે.