જમ્મૂ- કાશ્મીરમાં ચાલી રહેલી હલચલ વચ્ચે સેના સાથે કાશ્મીરમાં તૈનાત ભારતીય ક્રિકેટ ટીમના પૂર્વ કેપ્ટન મહેન્દ્ર સિંહ ધોનીનો વીડિયો વાયરલ થયો છે.
ક્રિકેટથી બે મહિનાનો આરામ લઇને ધોની કાશ્મીર આર્મીની ડ્યૂટી પર છે, તેણે કાશ્મીરમાં વિક્ટર ફોર્સ સાથે તૈનાત કરવામાં આવ્યો છે. ડ્યૂટી સંભાળ્યા પછી ધોનીના કેટલાક ફોટોઝ તો વાયરલ થયા હતા હવે એક વીડિયો પણ સામે આવ્યો છે.
Lt. Colonel Mahendra Singh Dhoni spotted playing volleyball with his Para Territorial Battalion!💙😊
— MS Dhoni Fans Official (@msdfansofficial) August 4, 2019
આ વીડિયોમાં તે સેનાના સાથીઓ સાથે વૉલીબોલ રમતો જોવા મળ્યો છે. સોશ્યલ મીડિયામાં પોસ્ટ કરેલા વીડિયોમાં ધોની પોતાની ટીમ માટે સર્વિસ કરી રહ્યો છે. વર્લ્ડકપ પછી ધોનીના સંન્યાસની અટકળો વચ્ચે વેસ્ટ ઇન્ડિઝ ટૂર પરથી તેણે પોતાનું નામ પાછુ લઇ લીધુ હતુ.
31 જૂલાઇથી ધોની વિક્ટર ફોર્સમાં ડ્યૂટી સંભાળી રહ્યો છે, તે 15 ઓગસ્ટ સુધી પોતાની બટાલિયન સાથે રહેશે. આ દરિયાન મહેન્દ્ર સિંહ ધોની પેટ્રોલિંગ, ગાર્ડ અને પોસ્ટ ડ્યૂટીની જવાબદારી સંભાળશે.
મહેન્દ્ર સિંહ ધોનીને 2011માં લેફિટેન્ટ કર્નલની ઉપાધિ મળી હતી. 2015માં તે આગરા ટ્રેનિંગ કેમ્પમાં વિમાનથી પેરાશૂટ જમ્પ લગાવીને ક્વૉલિફાઇડ પેરાટ્રૂપર બન્યો હતો. તે પૈરાશૂટ રેજીમેન્ટની 106 પૈરા બટાલિયનનો સભ્ય છે. આ સિવાય ઘોની ઘણી વખત સેનાના ડ્રેસમાં જોવા મળ્યો છે.