હવામાન / ખેડૂતો આ તારીખો નોટ કરી લેજો, ઠંડી વચ્ચે ગુજરાતમાં અહીં ત્રાટકશે છૂટો છવાયો વરસાદ

દિવાળી પર્વમાં મૌસમનો માહોલ રંગમાં ભંગ પાડે તેવી શક્યતા વ્યક્ત થઈ રહી છે. હવામાન વિભાગના ડાયરેક્ટર એ.કે.દાસના જણાવ્યા મુજબ 16 થી 19 ઓક્ટોબર દરમિયાન ગુજરાતના અનેક વિસ્તારોમાં છૂટાછવાયા કમોસમી વરસાદની આગાહી કરવામાં આવી છે.

દક્ષિણ ગુજરાતમાં વરસાદની અસર

તાપી, ડાંગ, સુરત, વલસાડ અને નવસારી જેવા દક્ષિણ ગુજરાતના જિલ્લાઓમાં માવઠાની સ્થિતિ સર્જાઈ શકે છે. આ વિસ્તારોમાં દર વર્ષે ડિસેમ્બરના પાટીણું હવામાન રહે છે, પણ ચાલુ વર્ષે દિવાળીના સમયગાળા દરમ્યાન વાદળછાયું આકાશ જોવા મળી શકે છે.

સૌરાષ્ટ્રના વિસ્તારોમાં પણ વરસાદ

સૌરાષ્ટ્રના અમરેલી, ભાવનગર, ગીર સોમનાથ અને દીવ જેવા વિસ્તારોમાં પણ કમોસમી વરસાદની શક્યતા જણાઈ રહી છે.

આ પણ વાંચોઃ દિવાળી-બિહાર ચૂંટણીને લઇ રેલવે સ્ટેશન પર મુસાફરોનો ધસારો, 20-20 કલાક સુધી લોકો બેસી રહેવા મજબૂર

વરસાદની શક્યતા

• 16 ઓક્ટોબર: તાપી, નવસારી, ડાંગ, વલસાડ, દમણ, દાદરા નગર હવેલી
• 17 ઓક્ટોબર: ભાવનગર, અમરેલી, ગીર સોમનાથ, દીવ સહિત દક્ષિણ ગુજરાતના જિલ્લાઓ
• 18 ઓક્ટોબર: ઉપરોક્ત તમામ વિસ્તારોમાં કમોસમી વરસાદની શક્યતા યથાવત્
• 19 ઓક્ટોબર: આગાહી મુજબ વરસાદ ચાલુ રહેવાની સંભાવના

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ