દિલ્હી હાઈકોર્ટે મંગળવારે ફેસબુક, ઇન્સ્ટાગ્રામ અને વોટ્સએપની પેરેન્ટ કંપની મેટાને ફટકાર લગાવી છે. કોર્ટે તેની ટિપ્પણીમાં કહ્યું કે મેટાની કામ કરવાની રીત 'સરકારી વિભાગો' કરતા પણ 'ખરાબ' છે. કોર્ટે ટીવી ટુડે નેટવર્કની અરજીની સુનાવણીમાં આ ટિપ્પણી કરી છે. વાત એમ છે કે ઇન્સ્ટાગ્રામે ટીવી ટુડે નેટવર્કના હાર્પર્સ બજાર ઇન્ડિયાના ઇન્સ્ટાગ્રામ પેજને બ્લોક કરી દીધું હતું. એક્ટિંગ ચીફ જસ્ટિસ મનમોહન અને જસ્ટિસ મનમીત પીએસ અરોરાની ખંડપીઠે કહ્યું કે જો મીડિયા હાઉસની ફરિયાદ સાંભળવામાં આવી રહી નથી, તો પ્રથમ દૃષ્ટિએ એવું માનવામાં આવશે કે સોશિયલ મીડિયા પ્લેટફોર્મ ટીવી ટુડે કાઉન્સિલને ફેરવી રહ્યું છે.
દિલ્હી હાઈકોર્ટે કહ્યું- તમારી સિસ્ટમ કામ નથી કરી રહી
કોર્ટે કહ્યું, તમે કોઈપણ સરકારી વિભાગ કરતા પણ ખરાબ છો. કૃપા સાવચેત રહો. તમારી સિસ્ટમ કામ કરી રહી નથી. તેને કામ કરવું પડશે. આ સાથે ખંડપીઠે કહ્યું કે મેટાએ તેમના 'ઘર'ને વ્યવસ્થિત રાખવું પડશે. અન્યથા કોર્ટ તેને સજા કરવાનો આદેશ આપી શકે છે.
દિલ્હી હાઈકોર્ટ ટીવી ટુડે નેટવર્ક પ્રાઈવેટ લિમિટેડની અરજી પર સુનાવણી કરી રહી હતી. પિટિશન થર્ડ પાર્ટી કોપીરાઈટ ઉલ્લંઘનની ફરિયાદ પર ઇન્સ્ટાગ્રામ પેજને બ્લોક કરવાની છે. આ ઉપરાંત, પિટિશનમાં ઇન્ફોર્મેશન ટેક્નોલોજી 2021ના નિયમ 3(1)(c)ની બંધારણીયતાને પણ પડકારવામાં આવી છે.
કોર્ટે આપ્યો ઠપકો
ટીવી ટુડે નેટવર્કે જણાવ્યું કે તેઓએ આ બાબતે મેટાના ફરિયાદ નિવારણ અધિકારીનો પણ સંપર્ક કર્યો હતો, પરંતુ તેમને એક જ જવાબ મળ્યો હતો કે મેલ સાચી ચેનલને સંબોધવામાં આવ્યો નથી. મીડિયા ગ્રુપના વકીલે કોર્ટમાં મેઈલ પણ બતાવ્યો. આના જવાબમાં મેટાએ કહ્યું કે આ એક ઓટોમેટિક રિપ્લાય છે. આ પછી કોર્ટે મીડિયા ગ્રુપને ફરીથી મેઈલ કરવા કહ્યું. ફરીથી મેઈલ કર્યા પછી પણ રિક્વેસ્ટ રિજેક્ટ થઈ હાઈ, જે ટીવી ટુડે નેટવર્કના વકીલે કોર્ટમાં બતાવી. આ પછી કોર્ટે ગુસ્સામાં કહ્યું કે, 'તમે અમારા પ્રત્યે હઠીલ વલણ ન અપનાવી શકો.'
કોર્ટે કહ્યું કે અમે જે કહીએ છીએ તે તમારે સાંભળવું પડશે. તમે સમજી શકતા નથી કે અમે શું કહી રહ્યા છીએ... અમે તમારી સાથે ખૂબ જ નમ્ર વર્તન કરી રહ્યા છીએ. અમે તમને તમારું ઘર વ્યવસ્થિત કરવા માટે ઘણો સમય આપ્યો છે. તમારી પાસે અબજો યુઝર્સ હોઈ શકે છે પરંતુ તમારું ઘર વ્યવસ્થિત નથી.
વધુ વાંચો: લોકસભા ચૂંટણી વચ્ચે કેન્દ્રની તિજોરી છલકાઇ, તૂટ્યો રેકોર્ડ, 2 લાખ કરોડને પાર પહોંચ્યું GST કલેક્શન
કોર્ટે મેટાને મીડિયા હાઉસની ફરિયાદની સુનાવણી કરવા કહ્યું છે. આ સાથે કોર્ટે કહ્યું કે, તમારી સિસ્ટમ કામ નથી કરી રહી. જો આમ જ ચાલતું રહેશે, તો અમે એક આદેશ આપીશું અને તમને ઠપકો આપીશું... આવું કરશો નહીં... મહેરબાની કરીને સમજો, જો સિસ્ટમ કામ નહીં કરે, તો નિયમો કોઈ કામના નહીં રહે.
