સુરત / GRD જવાન બાઇક પર બેઠો અને હાર્ટ એટેકે મારી કીક!, બારડોલીની ઘટના CCTVમાં કેદ

સુરતનાં બારડોલી ગામે મઢીગામે જીઆરટી જવાનને હાર્ટ એટેક આવ્યો હતો. જીઆરડી જવા કમલેશ ચૌધરીને હાર્ટ એટેક આવ્યો હતો. આ સમગ્ર ઘટનાં સીસીટીવીમાં કેદ થવા પામી હતી. જીઆરડી જવાન બાઈક રીપેર કરાવવા માટે ગેરેજમાં આવ્યો હતો. બાઈક રીપેરીંગ સમયે કમલેશ ચૌધરીએ જીવ ગુમાવ્યો હતો. આ સમગ્ર ઘટનાનાં સીસીટીવી પણ સામે આવવા પામ્યા છે.

સારવાર મળે તે પહેલા જ પ્રાણ પંખેડું ઉડી જવા પામ્યું

મઢી ગામ નજીક બાલદા ગામ પાસે ટેકરી ફળિયામાં રહેતાં કમલેશ બચુભાઈ ચૌધરી બપોરનાં સમયે બાઈક રીપેરીંગ કરાવવા માટે ગેરેજ પર ગયા હતા. જ્યાંથી બાઈક રીપેર કરાવ્યા બાદ તેઓ પરત જઈ રહ્યા હતા. ત્યારે બાઈક પર બેસ્યા બાદ તેઓ અચાનક ઢળી પડ્યા હતા. જે બાદ બાજુમાં ઉભેલ ગેરેજમાં કામ કરતા યુવક દ્વારા આજુબાજુમાંથી લોકોને બોલાવી કમલેશભાઈને તાત્કાલીક સારવાર અર્થે મોકલ્યા હતા. પરંતું તેઓને સારવાર મળે તે પહેલા પ્રાણ પંખેડું ઉડી જવા પામ્યું હતું.

પરિવારજનોમાં શોકનો માહોલ

ગેરેજ પર બનેલ આ દુઃખદ ઘટનાં સીસીટીવીમાં કેદ થવા પામી હતી. ત્યારે સીસીટીવીમાં જોઈ શકાય છે કે બાઈક રીપેર થઈ ગયા બાદ યુવક બાઈક પર બેસે છે. બાઈક પર બેસ્યાનાં થોડા સમયમાં જ જીઆરડી જવાન ઢળી પડે છે. યુવકનું મોત નિપજતા પરિવારજનોમાં શોકનો માહોલ છવાઈ ગયો હતો.