સૂત્ર / 'કમલ'નાથ તો ઠીક કોંગ્રેસના આ દિગ્ગજ નેતાને ભાજપમાં લાવવા લાઈનદોરી! સિક્રેટ બહાર આવતા વાત ઉડાવી

• કોંગ્રેસના વધુ એક નેતા વિશે મોટા સમાચાર સામે આવ્યા છે.
• કોંગ્રેસના સાંસદ મનીષ તિવારી પણ ભાજપના સંપર્કમાં છે.
• જો કે મનીષ તિવારીએ આ સમાચારને નકારી કાઢ્યા છે.

એક તરફ કોંગ્રેસના વરિષ્ઠ નેતા અને ગાંધી પરિવારના નજીક માનવામાં આવતા કમલનાથ અને એમના દીકરા નકુલનાથ ભાજપ સાથે જોડાઈ શકે એવી અટકળો લગાવવામાં આવી રહી છે. એવામાં વધુ એક એવા સમાચાર સામે આવ્યા છે કે જે કોંગ્રસની ચિંતા વધારી શકે છે. 

અહેવાલો અનુસાર આનંદપુર સાહિબથી કોંગ્રેસના સાંસદ મનીષ તિવારી પણ ભાજપના સંપર્કમાં છે. સૂત્રો અનુસાર મનીષ તિવારી પણ કોંગ્રેસ છોડીને ભાજપને સમર્થન આપી શકે છે. જો આમ થશે તો કોંગ્રેસ માટે આ વધુ એક ફટકો હશે. કારણ કે મનીષ તિવારીની ગણતરી પંજાબ કોંગ્રેસના દિગ્ગજ નેતાઓમાં થાય છે.

જો કે મનીષ તિવારીએ આ સમાચારને નકારી કાઢ્યા છે. આ વિશે વાત કરતા એમને કહ્યું કે હું મારા વિસ્તારમાં છું. હું કામ કરી રહ્યો છું. ભાજપમાં જોડાવાના સમાચાર તદ્દન ખોટા અને વાહિયાત છે. હું આના પર પ્રતિક્રિયા પણ આપવા માંગતો નથી.

વધુ વાંચો: પૂર્વ CM અને કોંગ્રેસ દિગ્ગજ નેતા હાથનો સાથ છોડી ભાજપમાં જાય તેવી અટકળો, રાજકારણમાં હડકંપ 

મનીષ તિવારી હાલમાં આનંદપુર સાહિબથી સાંસદ છે. પરંતુ અહેવાલો અનુસાર તેઓ લુધિયાણા લોકસભાથી ભાજપ તરફથી લડી શકે છે, જો ભાજપના સૂત્રોનું માનીએ તોલુધિયાણા બેઠકનો મુદ્દો હજુ અટવાયેલો છે.

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો