ગુજરાત / મણિનગરમાં નકલી PSI બની હોટલમાં રહેતો કિરીટ ઝડપાયો, બે બનાવટી પોલીસ આઈકાર્ડ અને ડેપ્યુટી મામલતદારનું કાર્ડ મળ્યું

મણિનગર રેલવે ક્રોસિંગ પાસેથી કિરીટ ઉર્ફે કે.બી. અમીનને નકલી ઓળખકાર્ડ સાથે ઝડપી પાડયો છે. પોલીસના જણાવ્યા મુજબ કિરીટ પાસે ડેપ્યુટી મામલતદાર અને એક્ઝિક્યુટિવ મેજિસ્ટ્રેટનું આઈકાર્ડ મળી આવ્યું હતું. તપાસમાં અગાઉ પણ તે પોલીસના સ્વાંગમાં ઝડપાયો હોવાનું સામે આવતા પોલીસે તેના જૂના ગુનાઓની વિગતો તપાસવાનું શરૂ કર્યું છે. કિરીટ અમીન મૂળ અરવલ્લી જિલ્લાનો છે અને હાલ ધોડાસરમાં એમ્પાયર હાઈટ્સમાં રહે છે.

છેલ્લા બે મહિનાથી તે મણિનગરની એક હોટલમાં પોતે ગાંધીનગર એલસીબીનો પીએસઆઈ હોવાનું જણાવીને રહેતો હતો.

શંકાસ્પદ લાગતાં પોલીસે તેને રોકીને તપાસ કરી

વાહન ચેકિંગ દરમિયાન તેની હરકતો શંકાસ્પદ લાગતાં પોલીસે તેને રોકીને તપાસ કરી હતી. તપાસમાં તેની પાસેથી પોલીસના બે બનાવટી આઈકાર્ડ અને ડેપ્યુટી મામલતદારનું એક આઈકાર્ડ મળી આવ્યું હતું. આ આઈકાર્ડ વલસાડના એક યુવક પાસે બનાવડાવ્યાં હોવાનું પોલીસ તપાસમાં સામે આવ્યું છે.

આ પણ વાંચો : ગુજરાત પ્રદેશ ભાજપ કાર્યાલય, ખાનપુર કમલમ અને સોમનાથ મંદિરને બોમ્બથી ઉડાવવાની ધમકી! તપાસ શરૂ

કિરીટ સામે અગાઉના ગુનાઓની

પણ વિગતો સામે આવી છે. વર્ષ ૨૦૧૬માં તેણે અન્ય આરોપીઓ સાથે મળીને PM-JAYનાં બનાવટી કાર્ડ બનાવ્યાં હોવાનો ગુનો નોંધાયો હતો. પોલીસ તપાસમાં આશરે ત્રણ હજાર જેટલાં બનાવટી કાર્ડ બનાવ્યાની વિગતો સામે આવી હતી. આ કેસમાં તેની પ્રેમિકા પણ સંડોવાયેલી હોવાનું તપાસમાં બહાર આવ્યું હતું.

ધરમપુરમાં એકના ડબલ કરવાની લાલચ

આ ઉપરાંત વલસાડ જિલ્લાના ધરમપુરમાં એકના ડબલ કરવાની લાલચ આપી ડુપ્લિકેટ પોલીસ બની રેડ કરવાના કેસમાં પણ કિરીટનું નામ સામે આવ્યું હતું.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ