ક્રાઈમ / અમદાવાદના ગોતામાં કોલેજ જતી વિદ્યાર્થિની પર ક્રેન ચઢાવી દીધી, યુવતીનું ઘટનાસ્થળે જ મોત

અમદાવાદના ગોતામાં સિલ્વર ઓક કોલેજ પાસે યુવતી પર ક્રેન ચઢાવી ચાલક ફરાર થઈ ગયો હતો. અકસ્માતમાં ગંભીર ઇજા થવાના કારણે યુવતીનું સ્થળ પર જ મોત થયું હતું. પ્રેરણા નિનામા નામની 19 વર્ષની યુવતી સિલ્વર ઓક કોલેજમાં બીએસસીના પહેલા વર્ષમાં અભ્યાસ કરતી હતી. ઘટના સમયે તે કોલેજ જતી હતી, પ્રેરણા રોડ પર પોતાની રીતે સાઈડમાં ચાલી આવતી હતી ત્યારે પાછળથી ચાલકે તેની પર ક્રેન ચડાવી દીધી હતી. પોલીસે ડ્રાઇવરની અટકાયક કરી લીધી છે. આ ઘટનાના CCTV પણ સામે આવ્યા છે.

વધુ વાંચો : આણંદના બાકરોલમાં પુત્રે પિતાની હત્યા કરી, કારણ જાણીને ચોંકી જશો, ન માન્યામાં આવે એવું

શાંતિથી ચાલતી જતી યુવતી પર ચડાવી દીધી ક્રેન

યુવતી એકદમ શાંતિથી સાઈડમાં ચાલતી ચાલતી સિલ્વર ઓક તરફ જઈ રહી હતી ત્યારે પાછળથી આવી રહેલી ક્રેને યુવતીને ટક્કર મારી હતી. જાણ થતા યુવતીની માતા સ્થળ પર પહોંચી હતી, જે બાદ યુવતીનો મૃતદેહ પોસ્ટમોર્ટમ માટે સોલા સિવિલ મોકલવામાં આવ્યો છે.

ફરાર ડ્રાઈવરની ધરપકડ

ડ્રાઈવર અક્સ્માત બાદ નાસી ગયો હતો જેની અટકાયત કરવામાં આવી છે. આ ક્રેન કોની હતી કયા જતી હતી તેની તપાસ ચાલી રહી છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ