VIDEO / ચાની કિટલીથી યુવક પર પરેશ ધાનાણીના કૌટુંબિક ભાઈનો ઘાતક હુમલો, આવ્યા 9 ટાંકા

અમરેલી શહેરમાં મોડી રાત્રે મારામારીની ઘટના સામે આવી છે. શહેર કોંગ્રેસ પ્રમુખ સંદીપ ધાનાણી અને ધર્મકુમાર જોશીપુરા વચ્ચે થયેલી રકઝક બાદ મારામારી થઈ હોવાનો આક્ષેપ છે. ઘટનાના CCTV ફૂટેજ પણ સામે આવ્યા હોવાનું જાણવા મળી રહ્યું છે.

બોલાચાલી બાદ મામલો ઉગ્ર બન્યો

મળતી માહિતી મુજબ, અમરેલીમાં એક પાનની દુકાન પાસે સંદીપ ધાનાણી અને ધર્મકુમાર જોશીપુરા વચ્ચે કોઈ મુદ્દે બોલાચાલી થઈ હતી. આ દરમિયાન મામલો ઉગ્ર બનતા સંદીપ ધાનાણીએ ધર્મકુમાર જોશીપુરા પર ચાના કીટલા વડે હુમલો કર્યો હોવાનો આક્ષેપ કરવામાં આવ્યો છે.

ઈજાગ્રસ્તને સારવાર માટે હોસ્પિટલ ખસેડાયા

હુમલામાં ધર્મકુમાર જોશીપુરાને ઈજા પહોંચતા તેમને સારવાર માટે હોસ્પિટલ ખસેડવામાં આવ્યા હતા. સારવાર દરમિયાન તેમને 9 ટાંકા આવ્યા હોવાનું જણાવવામાં આવ્યું છે.

સંદીપ ધાનાણી સામે ગુનો નોંધવામાં આવ્યો

ઘટનાને પગલે અમરેલી પોલીસ સ્ટેશનમાં સંદીપ ધાનાણી સામે ગુનો નોંધવામાં આવ્યો છે. સમગ્ર મારામારીની ઘટના CCTV કેમેરામાં કેદ થઈ હોવાનું પણ સામે આવ્યું છે. પોલીસ દ્વારા ઘટનાની વધુ તપાસ હાથ ધરવામાં આવી છે.

આ પણ વાંચોઃ 10 મિનિટમાં ડિલિવરીના નામે Blinkit ના લોકોના સ્વાસ્થ્ય સાથે ચેડાં કેટલું યોગ્ય? જુઓ વાયરલ Video

પૂર્વ વિપક્ષ નેતા પરેશ ધાનાણીના પિતરાઈ ભાઈ

સંદીપ ધાનાણી ગુજરાત કોંગ્રેસના પૂર્વ વિપક્ષ નેતા પરેશ ધાનાણીના પિતરાઈ ભાઈ હોવાનું પણ જણાવવામાં આવે છે.હાલમાં સમગ્ર મામલે પોલીસ તપાસ ચાલી રહી છે અને મારામારી પાછળનું ચોક્કસ કારણ તથા ઘટનાક્રમ અંગે વધુ વિગતો તપાસ બાદ સામે આવી શકે છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ