ન્યૂઝ અપડેટ્સ
ન્યૂઝ અપડેટ્સ
8 ફોટો ગેલેરી
Last Updated: 08:49 AM, 9 September 2026
FOLLOW ON
શેર કરો
1/8
મંગળને સાહસ, ઊર્જા, જમીન અને પરાક્રમનો કારક ગ્રહ માનવામાં આવે છે. 18 સપ્ટેમ્બરે મંગળ પોતાની નીચ રાશિ કર્કમાં પ્રવેશ કરશે. મંગળ અગ્નિ તત્વનો ગ્રહ છે જ્યારે કર્ક જળ તત્વની રાશિ છે. જ્યોતિષ શાસ્ત્ર અનુસાર આ સ્થિતિમાં મંગળનો પરાક્રમ અને સકારાત્મક પ્રભાવ થોડો નબળો થઈ શકે છે.આ સમયગાળા દરમિયાન ગુસ્સો, ભાવનાત્મક તણાવ અને પારિવારિક મતભેદ જેવી સ્થિતિ ઊભી થઈ શકે છે. કેટલાક જાતકોને સ્વાસ્થ્ય સંબંધિત પરેશાનીઓનો પણ સામનો કરવો પડી શકે છે. ખાસ કરીને પાંચ રાશિઓએ આ સમય દરમિયાન વધારે સાવચેતી રાખવાની સલાહ આપવામાં આવે છે.
આ તસવીર શેર કરો
2/8
મેષ રાશિના સ્વામી મંગળ પોતે છે અને મંગળનું આ ગોચર તમારી કુંડળીના ચોથા ભાવમાં થશે. ચોથો ભાવ સુખ, માતા અને મિલકત સાથે જોડાયેલો માનવામાં આવે છે. આ સમય દરમિયાન પારિવારિક બાબતો અને સંપત્તિને લઈને મતભેદ વધી શકે છે.માતાની તબિયતને લઈને ચિંતા થઈ શકે છે અને માનસિક શાંતિમાં ખલેલ પડી શકે છે. વાહન ચલાવતી વખતે ખાસ સાવચેતી રાખવાની જરૂર રહેશે. ઉતાવળના કારણે અકસ્માત કે ઈજા થવાની સ્થિતિથી બચવા માટે સાવધાન રહેવું હિતાવહ રહેશે.
આ તસવીર શેર કરો
ADVERTISEMENT
3/8
મંગળનું ગોચર મિથુન રાશિના બીજા ભાવમાં થશે. બીજો ભાવ ધન, પરિવાર અને વાણી સાથે સંબંધિત માનવામાં આવે છે. આ સમય દરમિયાન વાણીમાં કડવાશ આવવાથી તમારા બની રહેલા કામ પણ બગડી શકે છે.પરિવારના સભ્યો સાથે અનબન થવાની શક્યતા રહેશે. બિનજરૂરી ખર્ચ વધી શકે છે જેના કારણે બજેટ ખોરવાઈ શકે છે. રોકાણ સંબંધિત બાબતોમાં સાવચેતી રાખવી અને ખાનપાન પર પણ ધ્યાન આપવું જરૂરી રહેશે.
આ તસવીર શેર કરો
4/8
કર્ક રાશિમાં જ મંગળનું ગોચર થવાનું હોવાથી આ રાશિના જાતકો માટે સમય ખાસ સાવચેતીનો રહી શકે છે. મંગળ પ્રથમ એટલે કે લગ્ન ભાવમાં પોતાની નીચ સ્થિતિમાં રહેશે. જ્યોતિષ અનુસાર તેના કારણે સ્વભાવમાં ચીડિયાપણું અને ગુસ્સો વધી શકે છે.માનસિક તણાવ પણ વધી શકે છે. સ્વાસ્થ્યની દૃષ્ટિએ રક્ત સંબંધિત સમસ્યાઓ અથવા બીપી જેવી તકલીફને લઈને સાવચેતી રાખવાની સલાહ આપવામાં આવે છે. પારિવારિક જીવનમાં વાદવિવાદથી દૂર રહેવું અને ઉતાવળમાં કોઈ મોટો નિર્ણય ન લેવો યોગ્ય રહેશે.
આ તસવીર શેર કરો
ADVERTISEMENT
5/8
સિંહ રાશિના જાતકો માટે મંગળનું ગોચર બારમા ભાવમાં થશે. બારમો ભાવ ખર્ચ અને નુકસાન સાથે સંબંધિત માનવામાં આવે છે. આ દરમિયાન બિનજરૂરી ખર્ચમાં અચાનક વધારો થઈ શકે છે અને તેના કારણે આર્થિક તંગીનો અનુભવ થઈ શકે છે.જમીન-મિલકત સાથે જોડાયેલા જૂના વિવાદો ફરી સામે આવી શકે છે અને ચિંતાનું કારણ બની શકે છે. કોર્ટ-કચેરી અથવા કાયદાકીય મામલામાં પડવાનું ટાળવું જોઈએ. આ સમય દરમિયાન પૈસાની બાબતમાં પણ સાવધાની રાખવી જરૂરી રહેશે.
આ તસવીર શેર કરો
6/8
ધનુ રાશિના જાતકો માટે મંગળનું ગોચર આઠમા ભાવમાં થશે. આઠમા ભાવને અષ્ટમ ભાવ કહેવામાં આવે છે અને અહીં નીચ મંગળનું ગોચર કેટલીક ગુપ્ત સમસ્યાઓને વધારી શકે છે. આ સમય દરમિયાન સ્વાસ્થ્યમાં અચાનક ઉતાર-ચઢાવ આવી શકે છે.વાહન અથવા મશીનરીનો ઉપયોગ કરતી વખતે ખાસ સાવચેતી રાખવી પડશે. કાર્યક્ષેત્રમાં ગુપ્ત શત્રુઓ નુકસાન પહોંચાડવાનો પ્રયાસ કરી શકે છે. પૈસાની લેવડદેવડમાં પણ સાવચેતી રાખવી અને કોઈપણ વ્યવહાર કરતા પહેલા યોગ્ય તપાસ કરવી જરૂરી રહેશે.
આ તસવીર શેર કરો
ADVERTISEMENT
7/8
જ્યોતિષ અનુસાર મંગળના અશુભ પ્રભાવને ઓછો કરવા માટે મંગળવારે હનુમાનજીની પૂજા કરવી શુભ માનવામાં આવે છે. મંગળવારે હનુમાન ચાલીસા અથવા સુંદરકાંડનો પાઠ કરી શકાય છે. આ સાથે હનુમાનજીને લાલ સિંદૂર અર્પણ કરવાની પણ માન્યતા છે.મંગળવારે જરૂરિયાતમંદ વ્યક્તિને તાંબું, ગોળ, લાલ વસ્ત્ર અથવા મસૂરની દાળનું દાન કરવાની સલાહ આપવામાં આવે છે. આ ઉપરાંત આ સમયગાળા દરમિયાન ગુસ્સા પર નિયંત્રણ રાખવું ખૂબ જરૂરી માનવામાં આવે છે.વાતચીત દરમિયાન સંયમ રાખવો અને બિનજરૂરી વિવાદોથી દૂર રહેવાનો પ્રયાસ કરવો જોઈએ. ખાસ કરીને 18 સપ્ટેમ્બરથી 12 નવેમ્બર 2026 સુધી ઉતાવળમાં નિર્ણય લેવાને બદલે શાંતિથી વિચાર કરીને પગલું ભરવું લાભદાયી રહેશે.
આ તસવીર શેર કરો
8/8
ધર્મને લગતો આ આર્ટિકલ માત્ર અલગ-અલગ મળતી માહિતીને આધારિત છે. નહીં કે તમે તેને સત્ય જ માની લો. કારણ કે ધર્મ દરેકની આસ્થાનો વિષય છે. અહીં આપવામાં આવેલી જાણકારીને અનુસરતા પહેલા ધર્મ કે શાસ્ત્ર આધારિત જ્ઞાન ધરાવનારા વિદ્ધાનોની સલાહ લેવી અતિ આવશ્યક રહેશે. નહીં તો કોઇ મુશ્કેલી સર્જાય તો જવાબદારી vtvgujarati.com નહીં રહે. કારણ કે આ આર્ટિકલ ફક્ત ન્યૂઝના હેતુસર પબ્લિશ કરવામાં આવ્યો છે.
આ તસવીર શેર કરો
સંકળાયેલા મુદ્દાઓ
સબસ્ક્રાઇબ કરો
ટોપ સ્ટોરીઝ
