5 ફોટો ગેલેરી

કામની વાત / હવે WhatsApp પર જ મળશે PF અકાઉન્ટની બધી અપડેટ, KYCથી લઈ ક્લેમ સુધી, બધું જ મોબાઈલથી થશે

Last Updated: 11:42 PM, 15 September 2026

FOLLOW ON

શેર કરો

EPFOએ વોટ્સએપ ચેનલ અને 138 પ્રાદેશિક હેલ્પલાઇન શરૂ કરી છે જેથી PF સભ્યોને સીધા મોબાઇલ પર અપડેટ્સ અને 24 કલાકમાં ફરિયાદ નિવારણ મળી શકે. જેમાં UAN, KYC, ક્લેમ અને બીજી માહિતી માટે આ સુવિધાઓનો ઉપયોગ કરી શકાય છે.

1/5

1. EPFO ની વોટ્સએપ ચેનલ

નોકરી કરતા લોકો માટે ખૂબ જ ઉપયોગી ખબર આવી છે. હવે તમારા EPF અકાઉન્ટ સાથે જોડાયેલા મહત્વના અપડેટ્સ, નિયમોમાં ફેરફાર કે નવી યોજનાઓની જાણકારી માટે વારંવાર સરકારી પોર્ટલ પર જવાની જરૂર નથી રહેતી. કર્મચારી ભવિષ્ય નિધિ સંગઠન (EPFO)એ પોતાના સભ્યોને અપીલ કરી છે કે તેઓ સાચી માહિતી સીધી મોબાઇલ પર મેળવવા માટે EPFOના વોટ્સએપ ચેનલને ફોલો કરે.

આ તસવીર શેર કરો

2/5

2. વોટ્સએપ ચેનલ પર કયા અપડેટ્સ મળશે?

આ ઓફિશિયલ ચેનલ પર EPFO તરફથી નિયમિત અપડેટ્સ આપવામાં આવે છે. જેમાં યુનિવર્સલ અકાઉન્ટ નંબર (UAN) સાથે જોડાયેલા ગાઈડલાઈન અને જરૂરી KYC અપડેટ્સ, એમ્પ્લોયીઝ એનરોલમેન્ટ કેમ્પેન 2026 અને એમ્નેસ્ટી સ્કીમ 2026ની માહિતી, PF નિયમોમાં થતા નવા ફેરફારો અને ફરિયાદ નિવારણ સંબંધિત ગાઈડલાઈન સામેલ છે. આ ચેનલની ખાસિયત એ છે કે તે કોઈ થર્ડ પાર્ટી એપ કે ખોટી ખબરો વગર સીધા વોટ્સએપ પર પ્રમાણિક અપડેટ્સ આપે છે.

આ તસવીર શેર કરો

3/5

3. વોટ્સએપ ચેનલ સાથે કેવી રીતે જોડાવું?

તમારા ફોનમાં વોટ્સએપ ઓપન કરો અને Updates સેક્શનમાં જાઓ. Channels ઓપ્શનની બાજુમાં Explore પર ટૅપ કરો. સર્ચ બારમાં ‘EPFO’ ટાઇપ કરો. વાદળી ટિકવાળા ઓફિશિયલ EPFO ચેનલ પર ક્લિક કરીને Follow બટન દબાવો. આ રીતે તમે સરળતાથી ચેનલને ફોલો કરી શકો છો.

આ તસવીર શેર કરો

4/5

4. વોટ્સએપ હેલ્પલાઇન સુવિધા

ચેનલ સિવાય EPFO તેના તમામ 138 પ્રાદેશિક કાર્યાલયોમાં સમર્પિત વોટ્સએપ હેલ્પલાઇન સુવિધા પણ ચલાવી રહ્યું છે. દરેક પ્રાદેશિક ઑફિસમાં એક ટીમ બનાવવામાં આવી છે જેનું લક્ષ્ય સભ્યોની ફરિયાદો અને પ્રશ્નોના જવાબ 24 કલાકની અંદર આપવાનું છે. આના દ્વારા PF ઉપાડમાં વિલંબ કે ક્લેમ રિજેક્ટ થવું, PF ટ્રાન્સફરની મુશ્કેલીઓ, નિયોજક દ્વારા PF યોગદાન ન જમા કરાવવું અને KYC સુધારા કે પ્રોફાઇલ અપડેટની સમસ્યાઓ માટે મદદ મળી શકે છે. EPFOના આંકડા મુજબ આ હેલ્પલાઇન દ્વારા લગભગ 3.94 લાખથી વધુ ફરિયાદો મળી હતી જેમાંથી 3.91 લાખથી વધુનું સફળતાપૂર્વક નિવારણ કરવામાં આવ્યું છે.

આ તસવીર શેર કરો

5/5

5. ધ્યાનમાં રાખવા જેવી વાતો

વોટ્સએપ ચેનલ માત્ર અપડેટ્સ અને માહિતી માટે છે, જ્યારે પ્રાદેશિક હેલ્પલાઇન નંબર ફરિયાદોના ગાઈડલાઈન માટે છે. ઓનલાઇન ક્લેમ ફાઇલ કરવા, ક્લેમનો સ્ટેટસ જોવા કે PF પાસબુક ડાઉનલોડ કરવા માટે EPFOના મેમ્બર પોર્ટલ કે UMANG એપનો જ ઉપયોગ કરવો જરૂરી છે. સાયબર અપરાધોના સમયમાં માત્ર વાદળી ટિકવાળા ઓફિશિયલ EPFO ચેનલને જ ફોલો કરો. કોઈ અનનોન નંબર પર UAN, પાસવર્ડ, આધાર કે OTP શેર ન કરો. પ્રાદેશિક હેલ્પલાઇનના ઓફિશિયલ નંબર માત્ર EPFOની વેબસાઇટ પરથી જ મેળવો.

આ તસવીર શેર કરો

સંકળાયેલા મુદ્દાઓ

PF members WhatsApp channel EPFO