IPL 2024ની 48મી મેચમાં લખનૌ સુપર જાયન્ટ્સે મુંબઈ ઈન્ડિયન્સને હરાવ્યું. લખનૌએ તેના હોમ ગ્રાઉન્ડ ભારત રત્ન શ્રી અટલ બિહારી વાજપેયી એકાના ક્રિકેટ સ્ટેડિયમમાં 4 વિકેટે જીત મેળવી હતી. છેલ્લી ઓવરમાં ટીમને જીતવા માટે 3 રનની જરૂર હતી. નિકોલસ પુરને મોહમ્મદ નબીના બોલ પર જરૂરી રન બનાવી ટીમને જીત અપાવી હતી. આ મેચમાં લખનૌના બેટ્સમેન આયુષ બદોનીના રન આઉટ થવા પર ભારે હોબાળો થયો હતો. લોકોએ આ નિર્ણય પર સવાલ ઉઠાવ્યા અને સોશિયલ મીડિયા પર મીમ્સ શેર કર્યા હતા.
આ ઘટના 19મી ઓવરમાં બની જ્યારે લખનૌ સુપર જાયન્ટ્સને જીતવા માટે 12 બોલમાં 13 રનની જરૂર હતી. હાર્દિક પંડ્યા બોલ ફેંક્યો અને આયુષ બદોનીએ બેટથી કટ મારીને રન લેવા માટે દોડ્યો. એ સમયે બોલ ફિલ્ડરથી દૂર ન હતો અને તેથી જ બીજો રન ઘણો મુશ્કેલ હતો. ત્યાં ઉભેલા ફિલ્ડરે દોડીને બોલ પકડી લીધો અને વિકેટકીપર ઈશાન કિશન તરફ ફેંક્યો. ઈશાને બોલને કેચ કર્યા બાદ વિકેટ લેવાનો પહેલો પ્રયાસ કર્યો પણ સફળ ન રહ્યો, જો કે બીજા પ્રયાસમાં તેને સ્ટંપ આઉટ કર્યો.
લખનૌની ઈનિંગની 19મી ઓવરમાં આયુષ બદોની 2 રન પૂરા કરીને ક્રિઝ પર પાછો ફર્યો ત્યારે શાનદાર ડાઈવ લગાવી. પરંતુ તેનું બેટ હવામાં રહી ગયું હતું, જેના કારણે તેને રનઆઉટ જાહેર કરવામાં આવ્યો હતો. એ બાદ આ રનઆઉટનો આ મામલો થર્ડ અમ્પાયર પાસે ગયો હતો.
રિપ્લે જોતી વખતે, પહેલા એવું લાગતું હતું કે બદોની ક્રિઝ પર પહોંચી ગયો હતો, પરંતુ નજીકથી નિરીક્ષણ કરવા પર જાણવા મળ્યું કે ક્રિઝ પર પહોંચ્યા પછી તેનું બેટ ઊંચું થઈ ગયું હતું. એ બાદ થર્ડ અમ્પાયરે બદોનીને આઉટ જાહેર કર્યો હતો. બદોની પણ અમ્પાયરના નિર્ણય પર વિશ્વાસ ન કરી શક્યા અને ચાહકો પણ આશ્ચર્યચકિત થઈ ગયા. હવે ખરાબ અમ્પાયરિંગને લઈને સોશિયલ મીડિયા પર ઘણો હોબાળો થઈ રહ્યો છે અને ફની મીમ્સ જોવા મળી રહ્યા છે.
