T20 World Cup માટે ટીમ ઈન્ડિયાની જાહેરાત BCCIએ 30 એપ્રિલે કરી. પરંતુ ટીમના સિલેક્શન પ્રોસેસ પર હજુ સવાલ ઉઠી રહ્યા છે. ઘણા સ્પેશિયાલિસ્ટ અને ફેન્સ કહી રહ્યા છે કે હાર્દિક પંડ્યા જે પ્રકારે અત્યાર સુધી આઈપીએલમાં રમ્યા છે તે આધાર પર તે ટીમમાં જગ્યા ડિઝર્વ નથી કરતા.
ત્યાં જ રવિ બિશ્નોઈ અને રિંકૂ સિંહ કેમ બહાર કરવામાં આવ્યા તેના પર પણ સવાલ ઉભા થઈ રહ્યા છે. આઈસીસી ટી20 રેન્કિંગમાં ટોપ 10માં આગળ રવિ બિશ્નોઈ બહાર છે રિઝર્વમાં પણ નથી. રિંકૂ સિંહ રિઝર્વમાં છે.
IPLમાં ખરાબ પ્રદર્શન
ટીમ ઈન્ડિયાના વાઈસ કેપ્ટન હાર્દિકે વર્લ્ડ કપ 2023માં થયેલી ઈન્જરી બાદ IPL 2024માં વાપસી કરી. તેમને રોહિત શર્માના કારણે મુંબઈની કેપ્ટન્સી આપવામાં આવી પરંતુ તેમની કેપ્ટન્સીમાં મુંબઈ ઈન્ડિયન્સની કાયા પલટ થઈ ગઈ.
મુંબઈ ઈન્ડિયન્સ પોઈન્ટ્સ ટેબલમાં નવમાં નંબર પર છે. જ્યારે 10માં નંબર પર રોયલ ચેલેન્જર્સ બેંગ્લોર છે. મુંબઈએ આઈપીએલની 10 મેચોમાંથી ફક્ત 3 જીતી જ્યારે તેની પ્લેઓફમાં પહોંચવાની આશા પણ લગભગ ખતમ થઈ ગઈ છે.
એટલે કે હાર્દિકનું આ આઈપીએલમાં પ્રદર્શન એવું બિલકુલ નથી રહ્યું કે તેમને ટીમમાં લેવામાં આવે. જ્યારે તે ઈન્જરી બાદ વાપસી કરી રહ્યા હતા. એવામાં તેમના સિલેક્શન પર સૌ સવાલ ઉભા કરી રહ્યા છે.
IPLમાં અત્યાર સુધી પ્રદર્શન
હાર્દિકે IPLમાં ઓલઓવર 133 મેચ રમી જ્યાં તેમના નામે 29.49ના એવરેજ અને 146.21ના સ્ટ્રાઈક રેટથી 2506 રન છે. ત્યાં જ તેમણે 133 આઈપીએલ મેચમાં 59 વિકેટ લીધી છે. આ સમયે તેમની બોલિંગ એવરેજ 34.17 અને ઈકોનોમી રેટ 9.03નો છે.
રિંકૂ રિઝર્વ ખેલાડીમાં શામેલ
રિંકૂ સિંહની વાત કરવામાં આવે તો તે વર્લ્ડ કપમાં રિઝર્વ ખેલાડી છે. ક્રિકેટ સ્પેશિયાલિસ્ટ અનુસાર રિંકૂનું પ્રદર્શન આ આઈપીએલમાં એટલું સારૂ નથી રહ્યું. પરંતુ આ ખેલાડીને ભારતીય ટીમે છેલ્લા થોડા મહિનામાં ટી20 ટીમ માટે ગ્રૂમ કર્યું છે. તેમ છતાં તેમનું સિલેક્શન ન કરવામાં આવ્યું. એવામાં ફરી સવાલ ઉભો થઈ રહ્યો છે કે રિંકૂ અને હાર્દિક માટે અલગ અલગ સિલેક્શન કેમ.
વધુ વાંચો: મેના પ્રથમ દિવસે મોંઘવારીમાં મળી રાહત: સસ્તો થયો LPG સિલિન્ડર, જાણો લેટેસ્ટ રેટ
રવિ બિશ્નોઈ પણ ટીમમાંથી બહાર
આવું જ કંઈક રવિ બિશ્નોઈ સાથે પણ થયું છે. રવિ બિશ્નોઈ આઈપીએલની રેંકિંગમાં 6 નંબર પર છે. તેમ છતાં તે ટીમમાં નથી. આ એજ રવિ બિશ્નોઈ છે જેણે ટીમ ઈન્ડિયા માટે જ્યારે છેલ્લી ટી20 મેચ રમી હતી તો તેમણે અફઘાનિસ્તાન સામે બેંગ્લોરમાં રમાયેલી મેચમાં ડબલ સુપર ઓવર ફેંકી હતી અને ભારતને જીત અપાવી હતી.
