બ્રેકિંગ ન્યુઝ
બ્રેકિંગ ન્યુઝ
VTV / લાઈફસ્ટાઈલ / તમારા કામનું / LPG e-KYCની આજે છેલ્લી તક! નહીં કરાવો તો સબસિડી બંધ, ઘરેલુ સિલિન્ડર માટે વધુ ભાવ ચૂકવવો પડી શકે
9 ફોટો ગેલેરી
Last Updated: 09:37 AM, 16 August 2026
FOLLOW ON
શેર કરો
1/9
ઇન્ડિયન ઓઇલ સહિતની મુખ્ય ઓઇલ માર્કેટિંગ કંપનીઓ દ્વારા LPG ગ્રાહકોને આધાર આધારિત બાયોમેટ્રિક e-KYC પૂર્ણ કરવા માટે કહેવામાં આવી રહ્યું છે. આ નિયમ જૂના તેમજ નવા બંને ગ્રાહકો માટે લાગુ પડે છે. જોકે e-KYCની સમયમર્યાદા ચૂકી જવાથી ગેસ કનેક્શન તરત જ રદ થઈ જશે એવું નથી. વેરિફિકેશન પૂર્ણ ન થાય ત્યાં સુધી ઘરેલુ દરે મળતા સિલિન્ડરના લાભમાં અડચણ આવી શકે છે. લાંબા સમય સુધી પ્રક્રિયા પૂર્ણ ન કરવામાં આવે તો કનેક્શન પર નિયંત્રણ મૂકવામાં આવી શકે છે.
આ તસવીર શેર કરો
2/9
e-KYC પૂર્ણ ન હોય તો કેટલાક કિસ્સામાં ગ્રાહકોને ઘરેલુ સિલિન્ડર પર મળતો લાભ અથવા સબસિડી અટકી શકે છે. આવી સ્થિતિમાં ગ્રાહકને સિલિન્ડર માટે વધુ કિંમત ચૂકવવી પડી શકે છે. ઉદાહરણ તરીકે દિલ્હીમાં 14.2 કિલોના ઘરેલુ LPG સિલિન્ડરની કિંમત ₹942 અને 19 કિલોના કોમર્શિયલ સિલિન્ડરની કિંમત ₹2,738 દર્શાવવામાં આવી રહી છે. એટલે બંને વચ્ચે ₹1,796નો તફાવત થાય છે. જોકે તમારા શહેરમાં LPGના ભાવ અલગ હોઈ શકે છે.
આ તસવીર શેર કરો
3/9
LPGના ભાવ શહેર અને મહિના પ્રમાણે બદલાતા રહે છે. તેથી ગ્રાહકોએ સિલિન્ડર બુક કરતા પહેલાં પોતાની ગેસ કંપનીની સત્તાવાર એપ અથવા વેબસાઇટ પર હાલનો ભાવ તપાસવો જોઈએ. દિલ્હીમાં 14.2 કિલોના ઘરેલુ સિલિન્ડરનો ઉલ્લેખિત ભાવ ₹942 છે. મુંબઈ, કોલકાતા, ચેન્નાઈ, અમદાવાદ સહિતના શહેરોમાં સ્થાનિક કર અને અન્ય કારણોસર ભાવ અલગ હોઈ શકે છે. કોમર્શિયલ સિલિન્ડરના ભાવ પણ ઘરેલુ સિલિન્ડર કરતાં અલગ હોય છે.
આ તસવીર શેર કરો
4/9
LPG કનેક્શનની e-KYCનો મુખ્ય ઉદ્દેશ્ય વાસ્તવિક ગ્રાહકની ઓળખની ચકાસણી કરવાનો છે. આધાર આધારિત બાયોમેટ્રિક વેરિફિકેશનથી એક જ વ્યક્તિના નામે રહેલા ડુપ્લિકેટ અથવા અયોગ્ય કનેક્શનને ઓળખવામાં મદદ મળી શકે છે. સરકાર અને તેલ કંપનીઓ LPGની સપ્લાય સિસ્ટમમાં પારદર્શિતા લાવવા માગે છે. સાથે જ ઘરેલુ LPGના ગેરકાયદે વપરાશ અને કાળાબજારીને રોકવામાં પણ આ પ્રક્રિયા મદદરૂપ બની શકે છે.
આ તસવીર શેર કરો
5/9
સામાન્ય LPG ગ્રાહકો માટે આધાર આધારિત e-KYCની પ્રક્રિયા અગાઉથી જ શરૂ કરવામાં આવી હતી. માર્ચ 2026થી તેને ફરજિયાત બનાવવામાં આવી હોવાની માહિતી આપવામાં આવી છે. છતાં અનેક ગ્રાહકોએ હજુ સુધી પોતાનું વેરિફિકેશન પૂર્ણ કર્યું નથી. તેથી તેલ કંપનીઓ દ્વારા ગ્રાહકોને SMS અને અન્ય માધ્યમોથી સતત રિમાઇન્ડર આપવામાં આવી રહ્યા છે. 16 ઓગસ્ટની તારીખને લઈને ગ્રાહકોને ખાસ ચેતવણી આપવામાં આવી રહી છે.
આ તસવીર શેર કરો
6/9
LPG e-KYC ઘરે બેઠા મોબાઈલથી પણ કરી શકાય છે. તમે જે કંપનીનું ગેસ કનેક્શન વાપરો છો તેની સત્તાવાર એપ ડાઉનલોડ કરો. ઇન્ડેન, HP ગેસ અને ભારત ગેસની એપમાં e-KYC અથવા આધાર વેરિફિકેશન સંબંધિત વિકલ્પ મળી શકે છે. એપમાં જણાવેલી પ્રક્રિયા પ્રમાણે આધાર આધારિત ઓળખ અને ફેસ ઓથેન્ટિકેશન પૂર્ણ કરો. પ્રક્રિયા પૂરી થયા બાદ e-KYCનું સ્ટેટસ સફળ થયું છે કે નહીં તે જરૂર તપાસો.
આ તસવીર શેર કરો
7/9
જો ફેસ ઓથેન્ટિકેશન પહેલી વખતમાં સફળ ન થાય તો ગભરાવાની જરૂર નથી. એપને ફરીથી ખોલીને વેરિફિકેશનની પ્રક્રિયા ફરી કરી શકાય છે. ફેસ સ્કેન કરતી વખતે ચહેરા પર પૂરતી રોશની હોવી જોઈએ અને મોબાઈલને સ્થિર રાખવો જોઈએ. સ્કેન થયા પછી એપમાં e-KYC સફળ થયાનું સ્ટેટસ દેખાય છે કે નહીં તે તપાસવું જરૂરી છે. માત્ર ચહેરો સ્કેન થઈ ગયો એટલે e-KYC પૂર્ણ થઈ ગઈ એવું માનવું નહીં.
આ તસવીર શેર કરો
8/9
મોબાઈલ એપથી e-KYC કરવામાં મુશ્કેલી પડતી હોય તો ગ્રાહકો ગેસ એજન્સી પર જઈને બાયોમેટ્રિક વેરિફિકેશન કરાવી શકે છે. આ માટે ગ્રાહક પોતાની નજીકની સંબંધિત LPG એજન્સીનો સંપર્ક કરી શકે છે. આ ઉપરાંત સિલિન્ડરની ડિલિવરી માટે ઘરે આવતા ડિલિવરી કર્મચારી પાસે સત્તાવાર બાયોમેટ્રિક ડિવાઇસ ઉપલબ્ધ હોય તો તેના દ્વારા પણ વેરિફિકેશન કરાવી શકાય છે. પ્રક્રિયા પૂર્ણ થયા બાદ e-KYCનું સ્ટેટસ ચોક્કસપણે ચકાસી લેવું.
આ તસવીર શેર કરો
9/9
16 ઓગસ્ટને લઈને ગ્રાહકોમાં એવી ચિંતા જોવા મળી રહી છે કે આજે e-KYC નહીં કરાવવાથી કનેક્શન તરત જ રદ થઈ જશે. પરંતુ સમયમર્યાદા ચૂકી જવાથી કનેક્શન તાત્કાલિક રદ થવાનું જરૂરી નથી. જોકે e-KYC બાકી હોય તો ઘરેલુ LPG પર મળતા લાભમાં અડચણ આવી શકે છે. તેથી છેલ્લી ઘડીએ મુશ્કેલી ટાળવા માટે ગ્રાહકોએ શક્ય તેટલી વહેલી તકે પોતાનું વેરિફિકેશન પૂર્ણ કરાવી લેવું જોઈએ.
આ તસવીર શેર કરો
સંકળાયેલા મુદ્દાઓ
સબસ્ક્રાઇબ કરો
દરરોજ નવા સમાચાર મેળવવા માટે VTVGujaratiને સબસ્ક્રાઈબ કરો.
ટોપ સ્ટોરીઝ
