ક્રાઈમ / અમદાવાદના RTO સર્કલ પાસે યુવકની છરીથી હત્યા, પીઠમાં 15 ઘા વાગ્યાં, આંતરડું બહાર આવ્યું

અમદાવાદના રાણીપ વિસ્તારમાં આવેલા RTO ચાર રસ્તા નજીક યુવકની છરીના ઘા મારીને હત્યા કરી દેવાતા ચકચાર ફેલાઈ હતી. મૃતક યુવકની ઓળખ અજય સાલ્વી તરીકે થઈ છે.

યુવકને પીઠમાં ઊંડા ઘા

યુવકને પીઠમાં 15થી વધુ છરીના ઘા લાગ્યાં છે અને આરોપીઓએ એટલી ઘાતકી હદે છરી મારી કે મૃતકનું આંતરડું પણ બહાર આવી ગયું હતું.

વધુ વાંચો : અમદાવાદની સિવિલમાં પગના સામાન્ય ઓપરેશનમાં યુવકનું મોત થતાં હોબાળો, સિક્યુરીટીએ કરી દાદાગીરી

પોલીસ ચોકી સામે જ યુવક પર જીવલેણ હુમલો

અજય સાલ્વીની પોલીસ સામે જ છરીના ઘા મારીને હત્યા કરી દેવાઈ હતી. પોલીસને જૂની અંગત અદાવતમાં હત્યા કરાઈ હોવાની આશંકા છે. હુમલા બાદ ગંભીર રીતે ઘવાયેલા યુવકનું મોત થયું હતું. ઘટનાની જાણ થતાં રાણીપ પોલીસ ઘટનાસ્થળે દોડી ગઈ હતી અને ગુનો નોધી તપાસ શરૂ કરી હતી.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ