સુરેન્દ્રનગર બેઠક / લોકસભા ચૂંટણી પહેલાં સોમા પટેલે ફરી છોડી કોંગ્રેસ, કારણ આપી રાજીનામું ધર્યું

લોકસભા ચૂંટણીને લઈ રાજકારણ ગરમાયું છે. કયાંક પ્રચારના પવનો ફૂંકાઈ રહ્યાં છે તો કયાંક વિરોધના વંટોળ જોવા મળી રહ્યાં છે, તો વળી કયાંક પક્ષપલટાનો ગરમાવો છે. આ બધાની વચ્ચે સુરેન્દ્રનગર કોંગ્રેસમાં મોટો ભંગાળ સર્જાયું છે.  ચૂંટણી પહેલાં કોંગ્રેસને ઝટકા પર ઝટકો લાગી રહ્યો હોય તેવું બન્યું છે. પૂર્વ સાંસદ સોમા પટેલે કોંગ્રેસમાંથી રાજીનામું  ધરી દીધું છે.

પૂર્વ સાંસદ સોમા પટેલે આપ્યું રાજીનામું
પૂર્વ સાંસદ સોમા પટેલે કોંગ્રેસ પ્રદેશ પ્રમુખ શક્તિસિંહ ગોહિલને પત્ર લખીને રાજીનામું ધરી દીધું છે. જે પત્રમાં અંગત કારણથી રાજીનામું આપ્યું હોવાનો ઉલ્લેખ કર્યો છે. તેમણે પત્રમાં લખ્યું છે કે, હું કોળી પટેલ સોમાભાઈ ગાંડાલાલ પૂર્વ સાંસદ સુરેન્દ્રનગર તથા પૂર્વ ધારાસભ્ય લિંબડી મારા અંગત કારણોસર કોંગ્રેસ પક્ષના પ્રાથમિક સભ્ય પદેથી રાજીનામું આપું છું. 

વાંચવા જેવું:  ગુજરાત પર માવઠાનું સંકટ, હવામાન વિભાગે કરી કમોસમી વરસાદની આગાહી

ભાજપે ચંદુભાઈ શિહોરાને ટિકિટ આપી છે
સુરેન્દ્રનગર લોકસભા બેઠક પર ભાજપે  ચંદુભાઈ શિહોરાને ટિકિટ આપી છે. જ્યારે કોંગ્રેસે ઋત્વિક મકવાણા રાજકીય મેદાને ઉતાર્યા છે. આ બેઠક પક તળપદા કોળી મતદાર 3 લાખ 82 હજાર છે તેમજ ચુંવાળિયા કોળી મતદાર 1 લાખ 98 હજાર છે.

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો