નિર્ણય / ભૂલથી પણ ગુજરાતના આ ગામમાં દારૂ પીતા ઝડપાયા, તો થશે 11 હજારનો દંડ, વેચ્યું તો 21 હજાર

વાવ-થરાદના ભાભરના નેસડા ગામે દારૂબંધીને લઈ મહત્વનો નિર્ણય લેવામાં આવ્યો છે. ગામ લોકોની મળેલ બેઠકમાં મોટો નિર્ણય લેવામાં આવ્યો છે. ગામનો કોઈ વ્યક્તિ દારૂનો નશો કરતા પકડાશે તો 11 હજારનો દંડ કરવામાં આવશે. અને કોઈ વ્યક્તિ દારૂનું વેચાણ કરતા પકડાશે તો રૂપિયા 21 હજારનો દંડ કરવામાં આવશે. ગામના સરપંચ સાથે મળી ગામ લોકોએ નિર્ણય કર્યો છે.

નિયમ ગામમાં રહેતા તમામ લોકોને લાગુ પડશેઃ મનસા માળી (સરપંચ)

આ બાબતે નેસડા ગામના સરપંચ મનસા માળીએ જણાવ્યું હતું કે, સૌને એક વ્યસન મુક્તિ અભિયાન ચલાવ્યું છે. વ્યસન મુક્ત થાવું જરૂરી છે. નેસડા ગામના તમામ લોકોએ ભેગા મળીને વ્યસન મુક્તિનો નિર્ણય કર્યો છે. જેમાં દારૂનું વેચાણ કરતા પકડાશે તો રૂા. 21000 નો દંડ કરવાનું નક્કી કરવામાં આવ્યું છે. જ્યારે તેમજ દારૂ પીનાર વ્યક્તિને 11 હજારનો દંડ કરવાનું નક્કી કરેલ છે. તેમજ જો કોઈ વ્યક્તિ નહી માને તો તેની સામે સમસ્ત નેસડા ગામના લોકો ભેગા થઈને શું કાર્યવાહી કરવી તે નક્કી કરશે. તેમજ નિયમ ગામમાં રહેતા તમામ લોકોને લાગુ પડશે.

આ પણ વાંચોઃ જેતપુરમાં જ GPCBની ઓફિસ, છતાંય ગેરકાયદે એકમો ભાદર નદીમાં ઠાલવી રહ્યાં છે જીવલેણ 'ઝેર'

દારૂ વેચનાર વ્યક્તિએ દારૂ બંધ કરવાનો રહેશેઃ હેમજી ઠાકોર (ગ્રામજન)

આ બાબતે ગામના નાગરિક હેમજી ઠાકોરે જણાવ્યું હતું કે, આજે સમસ્ત નેસડા ગામ વ્યસન મુક્તિ અભિયાનમાં જોડાયું છે. જેમાં દારૂ વેચનાર વ્યક્તિએ દારૂ બંધ કરવાનો રહેશે. તેમજ જો બંધ નહી કરે તો દંડ કરવામાં આવશે. તેમજ દારૂ પીનારે સ્વૈચ્છાએ દારૂ પીવાનો બંધ કરવો પડશે. તેમ છતાં પણ જો ન માને તો દંડ કરવામાં આવશે. તેમજ દારૂ વેચનાર તથા પીનારે ગામ લોકોએ જે બંધારણ કરેલ છે તેમાં સહમત તેમજ તેમના ઘરે જઈ કોઈ પણ પ્રસંગ હોય ત્યારે જો બંધારણમાં નહી રહે તો ગામના કોઈ વ્યક્તિએ જવાનું રહેશે નહી. તેમજ કોઈ પણ પ્રસંગમાં તેમને બોલાવવાના રહેશે નહી.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ