લાઈફસ્ટાઈલ / શું વિટામિન બી-12 રોજ ડાયટમાં સામેલ કરવો જોઈએ?, એક્સપર્ટ પાસેથી જાણે કેટલો જરુરી

વિટામિન B-12ની કમીના કારણે થાક, ચક્કર આવવા અને યાદશક્તિમાં ઘટાડો જેવી સમસ્યાઓ થઈ શકે છે. આજકાલની વ્યસ્ત જિંદગીમાં ખોરાક પર ખાસ ધ્યાન આપવું અત્યંત મહત્વપૂર્ણ બન્યું છે. આ ખોરાકની કમીને કારણે શરીરમાં અનેક જરૂરી વિટામિન્સની કમી થવા લાગે છે.

જેમાં વિટામિન B-12 સૌથી મહત્વપૂર્ણ છે, કેમ કે ડોકટર કહે છે કે આ વિટામિન માત્ર ખોરાકથી જ મળી શકે છે. તો શું આપણે દરરોજ વિટામિન B-12 ખાવું જોઈએ?

એક્સપર્ટ શું કહે છે?

વિટામિન B-12 એ એકમાત્ર વિટામિન છે જે ન્યુરોલોજિકલ બીમારીઓથી રક્ષણ આપે છે. જો શરીરમાં તેની કમી થાય છે તો ફોકસ કરવામાં, કામ કરવામાં અને વિચાર કરવામાં મુશ્કેલી આવી શકે છે. વિટામિન B-12ને દરરોજના ખોરાકમાં સામેલ કરવું જોઈએ.

કેટલુ વિટામિન B-12 ખાવું જોઈએ?

• સામાન્ય વ્યક્તિ: એક સામાન્ય અને સ્વસ્થ વ્યક્તિને દરરોજ 2.4 થી 2.8 માઇક્રોગ્રામ વિટામિન B-12 ખાવું જોઈએ.
• ગર્ભવતી મહિલા: ગર્ભવતી મહિલાઓએ દરરોજ 2.6 માઇક્રોગ્રામ વિટામિન B-12 ખાવું જોઈએ. પ્રસુતિ પછી 2.8 માઇક્રોગ્રામ વિટામિન B-12 લેવું જરૂરી છે, જેથી બાળકના વિકાસમાં કોઇ સમસ્યા ન આવે.
• સપ્લીમેન્ટ દ્વારા: જ્યારે શરીરમાં વિટામિન B-12ની કમી થાય છે ત્યારે તેને સપ્લીમેન્ટ તરીકે લેવુ પડે છે. એવી પરિસ્થિતિમાં, સપ્લીમેન્ટ દ્વારા 500થી 5000 માઇક્રોગ્રામ વિટામિન B-12 પ્રતિદિન લેવુ પડે છે.
• ઇન્જેક્શન: જ્યારે શરીરમાં વિટામિન B-12ની ખૂબ વધારે કમી થાય છે, ત્યારે તેને ઇન્જેક્શનથી પુરું પાડવામાં આવે છે. આ ઇન્જેક્શન ડોકટરની સલાહ હેઠળ સાપ્તાહિક અથવા માસિક પણ આપવામાં આવે છે.

વધુ વાંચો: સિગારેટ નહીં પીનારાઓમાં પણ વધી રહ્યું છે ફેફસાંના કેન્સરનું જોખમ, જાણો લક્ષણ-ઉપાય

વિટામિન B-12ની કમીના સંકેતો

થાક અને કમજોરી, ચામડીનો પીળો રંગ, આંખોનો પીળો રંગ, ચક્કર આવવો , વાળ ખરવા , સ્નાયુ અને હાડકાંમાં કારણ વિના દુખાવો થવો વગેરે વિટામિન B-12ની કમી દર્શાવે છે. જો આવા કોઈ પણ લક્ષણ દેખાય તો યોગ્ય સમયે ડૉક્ટરની સલાહ લઈને યોગ્ય સારવાર કરવી જરૂરી છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ