ઓટો / નવા ઇથેનોલવાળા સ્પ્લેન્ડર પ્લસ અને HF ડિલક્સ બાઈક પર 4000નું ડિસ્કાઉન્ટ

ભારતમાં ઇથેનોલથી ચાલતા વાહનોને પ્રોત્સાહન આપવા માટે તાજેતરમાં એક મોટું પગલું લેવામાં આવ્યું છે. હીરો મોટોકોર્પે તાજેતરમાં તેના સૌથી ફેમસ બાઇક સ્પ્લેન્ડર પ્લસ અને એચએફ ડિલક્સના નવા ફ્લેક્સ-ફ્યુઅલ વર્ઝન લોન્ચ કર્યા છે. આ લોન્ચમાં કેન્દ્રીય મંત્રી નીતિન ગડકરી પણ હાજર હતા. પણ ગ્રાહકો માટે સૌથી આશ્ચર્યજનક પાસું એ છે કે કંપનીએ લોન્ચ સમયે બંને બાઇક પર 4000 રૂપિયાનું ડિસ્કાઉન્ટ ઓફર કર્યું છે. આ ફ્લેક્સ-ફ્યુઅલ બાઇકની ડિલિવરી જુલાઈ 2026 માં શરૂ થશે.

આ ડિસ્કાઉન્ટ બાદ નવી ફ્લેક્સ-ફ્યુઅલ બાઇક અને નિયમિત પેટ્રોલ બાઇક વચ્ચેનો ભાવ તફાવત લગભગ ગુમ થઈ ગયો છે. ડિસ્કાઉન્ટબાદ દિલ્હીમાં સ્પ્લેન્ડર પ્લસ ફ્લેક્સની એક્સ-શોરૂમ કિંમત 78,710 રૂપિયા થઈ ગઈ છે. મતલબ કે નિયમિત સ્પ્લેન્ડર કરતા માત્ર 1153 રૂપિયા વધુ મોંઘી છે. આ દરમિયાન HF ડિલક્સ ફ્લેક્સ 4,000 રૂપિયાના ડિસ્કાઉન્ટ બાદ તેની કિંમત ઘટીને 68,792 રૂપિયા થઈ ગઈ છે, જેના કારણે તે તેના નિયમિત પેટ્રોલ મોડેલ કરતા 1650 રૂપિયા સસ્તી થઈ ગઈ છે. આ ઓફર જુલાઈ 2026 સુધી છે.

લોન્ચ થયા બાદ આટલી જલ્દી ડિસ્કાઉન્ટ આપવાના આ નિર્ણયથી બજારમાં ઘણા રસપ્રદ પ્રશ્નો ઉભા થયા છે. થોડા દિવસો પહેલા જ નીતિન ગડકરીએ જાહેરાત કરી હતી કે દેશમાં 100% ઇથેનોલ ફ્યુઅલને કાયદેસર રીતે મંજૂરી આપવામાં આવી છે. જેમાં આ બે હીરો બાઇક દેશની પ્રથમ માસ-માર્કેટ મોટરસાઇકલ છે જે 20 થી 85% ઇથેનોલ બ્લેન્ડ સાથે પેટ્રોલ પર આરામથી ચાલી શકે છે. લોકો હજુ પણ ભવિષ્યની બચત કરતાં વાહન ખરીદતી વખતે કિંમત પર વધુ ફોકસ કરે છે.

જો પાવરટ્રેનની વાત કરીએ તો આ બંને મોટરસાઇકલ હીરોના વિશ્વસનીય 97.2cc સિંગલ-સિલિન્ડર એન્જિન દ્વારા ચાલે છે. પણ વધુ ઇથેનોલને હેન્ડલ કરવા માટે કંપનીએ ફ્યુઅલ સિસ્ટમને અપગ્રેડ કરી છે અને તેના કમ્પ્યુટર (ECU) મેપિંગમાં જરૂરી ફેરફારો કર્યા છે. તેનાથી ખાતરી થશે કે દેશમાં ઇથેનોલની ઉપલબ્ધતા વધશે તેમ આ બાઇકો કોઈપણ સમસ્યા વગર તેના પર ચાલી શકશે. હીરો શરૂઆતમાં દિલ્હી અને મહારાષ્ટ્રના પસંદગીના વિસ્તારોમાં આ બાઇકોનું વેચાણ શરૂ કરશે.

વધુ વાંચો :3.5 લાખ કિંમત, 32/KMની માઈલેજ- અચાનક વધ્યું આ કારનું વેચાણ

• આ ડિસ્કાઉન્ટ કેમ

હીરો દ્વારા ઓફર કરવામાં આવતા આ ડિસ્કાઉન્ટને આ નવી ટેકનોલોજી તરફ ખરીદદારોને આકર્ષવાના પ્રયાસ તરીકે જોવામાં આવી રહી છે. નિયમિત બાઇકની કિંમતને અનુરૂપ લાવીને હીરોએ ગ્રાહકોમાં ભાવ વધારાનો ભય દૂર કર્યો છે. જેમ જેમ ભારત ઉચ્ચ ઇથેનોલ બ્લેન્ડ અને ભવિષ્યમાં E100 ફ્યુઅલ તરફ આગળ વધે છે તેમ તેમ આ ફ્લેક્સ-ફ્યુઅલ બાઇક્સની સફળતા નક્કી કરશે કે લોકો આ પરિવર્તનને કેટલી ઝડપથી સ્વીકારે છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ