ટેક્નોલોજી / હવેથી Android પર iPhone જેવા ફીચર્સ! કરી શકશો Emergencyમાં કરી શકશો Live વીડિયો કોલ

સ્માર્ટફોન હવે ફક્ત વાતચીત કે મનોરંજન પૂરતા નથી રહ્યા, પરંતુ જીવનમાં સલામતી માટે પણ મોટા હથિયાર બની રહ્યા છે. કોઈપણ અકસ્માત કે કટોકટીની પરિસ્થિતિમાં, લોકો સૌથી પહેલાં પોતાના ફોનનો સહારો લે છે. આ જ જરૂરીયાતને ધ્યાનમાં રાખીને હવે ગૂગલ એક એવું ફીચર લાવવા જઈ રહ્યું છે, જે સીધું જીવન બચાવનાર સાબિત થઈ શકે છે.

એપલએ 2024માં Emergency SOS Live Video નામની સુવિધા લોન્ચ કરી હતી. આ ફીચરની મદદથી iPhone યુઝર્સ ઈમરજન્સી વખતે સીધા પોલીસ કે અન્ય સેવાઓને લાઈવ વીડિયો અથવા ફોટો મોકલી શકે છે. ખાસ વાત એ છે કે આ વીડિયો ફોનમાં સેવ થતો નથી, પરંતુ ઈમરજન્સી ઓપરેટર તેને સંગ્રહિત કરી શકે છે. હવે એવું લાગી રહ્યું છે કે ગૂગલ પણ એ જ રસ્તે ચાલીને એન્ડ્રોઇડ ફોનમાં આ સુવિધા લાવવાની તૈયારીમાં છે.

એક રિપોર્ટ મુજબ, Google Play Services Meta માં નવા કોડ જોવા મળ્યા છે, જેમાં સ્પષ્ટ લખ્યું છે –“લાઈવ વીડિયો શેર કરો” “ઇમરજન્સી સર્વિસીસ તમારા કેમેરાનો ઉપયોગ કરશે.”

હાલમાં પિક્સેલ ફોનમાં એક અલગ ઇમરજન્સી વીડિયો રેકોર્ડિંગ ફીચર ઉપલબ્ધ છે. તેમાં યુઝર 45 મિનિટ સુધી વીડિયો રેકોર્ડ કરી શકે છે. રેકોર્ડિંગ પછી આ વીડિયો આપમેળે ઈમરજન્સી કોન્ટેક્ટ્સને લિંક રૂપે મોકલાઈ જાય છે. પરંતુ આમાં બે ખામીઓ છે –વીડિયો સીધો ઇમરજન્સી સર્વિસીસ સુધી પહોંચતો નથી.

આ પણ વાંચો : મહિને લાખોની કમાણી! AIની દુનિયામાં હિટ છે આ 5 Jobs, જુઓ લિસ્ટ

લાઈવ સ્ટ્રીમિંગનો વિકલ્પ નથી.

ગૂગલની નવી સુવિધા આ ખામીઓને દૂર કરી શકે છે. જો આવું થાય તો માર્ગ અકસ્માત, વૃદ્ધો માટે મદદ, અથવા ખોટી રિપોર્ટિંગ જેવા કેસોમાં સાચી પરિસ્થિતિ તરત જ ઇમરજન્સી ટીમ સુધી પહોંચી શકે છે. હાલમાં એક મોટો પ્રશ્ન એ છે કે શું આ ફીચર ફક્ત પિક્સેલ ફોનમાં મળશે કે પછી તમામ એન્ડ્રોઇડ સ્માર્ટફોનમાં આવશે? ગૂગલ તરફથી હજી કોઈ સત્તાવાર જાહેરાત થઈ નથી. એટલે આ સુવિધા ક્યારે લોન્ચ થશે અને કોને મળશે, તે માટે થોડું રાહ જોવું પડશે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ