ટેક્નોલોજી / મહિને લાખોની કમાણી! AIની દુનિયામાં હિટ છે આ 5 Jobs, જુઓ લિસ્ટ

હાલના ટેકનોલોજીના જમાનામાં આર્ટિફિશિયલ ઇન્ટેલિજન્સ (AI) નો ખૂબ ઝડપથી વિકસ થઈ રહ્યો છે. તેનો ઉપયોગ આરોગ્ય, ફાઇનાન્સ, શિક્ષણ, ઈ-કોમર્સ, ઓટોમોબાઈલ સહિતના અનેક જેવા ક્ષેત્રમાં થઈ રહ્યો છે. આથી વિશ્વભરમાં AI પ્રોફેશનલની ડિમાન્ડ વધી રહી છે. જેમાં  મશીન લર્નિંગ, ડેટા એનાલિટિક્સ, ડીપ લર્નિંગ અને ઓટોમેશનમાં સ્કીલ્ડ હોય તેમની ડિમાન્ડ વધુ છે.

આર્ટિફિશિયલ ઇન્ટેલિજન્સ (AI) નવી નોકરીઓ લઈને પણ આવ્યુ છે. AI રીલેટેડ નોકરીઓમાં માત્ર સારી સેલરી જ નથી મળતી પરંતુ ભવિષ્યમાં ગ્રોથની પણ મોટી શક્યતાઓ છે. જો કોઈ સ્ટુડન્ટ કે પ્રોફેશનલ ટેક્નોલોજી ક્ષેત્રમાં તેનું કરિયર બનાવવા માંગે છે તો AI તેના માટે વન ઓફ ધ બેસ્ટ ઓપ્શન સાબિત થઈ શકે છે.

AI નોકરીઓમાં પ્રેક્ટિકલ નોલેજ અને રિસર્ચનું ખૂબ મહત્વ છે. તેમાં પ્રોજેક્ટ્સ અને લાઈવ ડેટા પર કામ કરીને કમાણીની શક્યતાઓ વધી શકે છે. AI માં કરિયર બનાવવા માંગતા લોકો કોડિંગ, ડેટા સાયન્સ અને ન્યુરલ નેટવર્ક્સની પ્રેક્ટિસ શરૂ કરવી જોઈએ. એવામાં અમે તમને AI ની ટોપ 5 જોબ્સ વિશે અહીંયા જણાવીશું જેમાં તમને ખૂબ ઊંચો પગાર મળી શકે .

• મશીન લર્નિંગ એન્જિનિયર

મશીન લર્નિંગ એન્જિનિયરો ડેટા અને અલ્ગોરિધમ્સની મદદથી સ્માર્ટ સિસ્ટમ્સ તૈયાર કરે છે. જેમાં ભારતમાં વાર્ષિક  10-20 લાખ રૂપિયા અને વિદેશમાં 120,000+ ડોલર પગાર મળી શકે છે. તેમાં આગામી 10 વર્ષમાં સૌથી વધુ ગ્રોથ થઈ શકે છે. તેના માટે કમ્પ્યુટર સાયન્સ, પાયથોન, આર, ટેન્સરફ્લો, પાયટોર્ચમાં B.Tech/M.Tech માં સર્ટિફિકેટ કોર્ષ કરેલો હોવો જોઈએ.

• ડેટા સાયન્ટિસ્ટ
  ડેટા સાયન્ટિસ્ટ મોટા ડેટા સેટનું એનાલિસિસ કરીને બિઝનેસ ડીસીઝન લેવામાં મદદ કરે છે. તેમાં ભારતમાં વાર્ષિક 8-15 લાખ રૂપિયા અને વિદેશમાં 100,000+ ડોલર પગાર મળી શકે છે. જેની ઈ-કોમર્સ અને ફાઇનાન્સ ક્ષેત્રોમાં ભારે માંગ છે. તેના માટે ડેટા સાયન્સ માસ્ટર્સ/પીજી ડિપ્લોમા, પાયથોન, એસક્યુએલ, સ્ટેટિસ્ટિક્સનો અભ્યાસ કરેલો હોવો જોઈએ.
  
• AI રિસર્ચ સાયન્ટિસ્ટ
  આ પ્રોફેસનલ્સ નવા AI મોડેલ્સ અને અલ્ગોરિધમ્સ પર કામ કરે છે. જેમાં ભારતમાં વાર્ષિક 15-25 લાખ રૂપિયા અને વિદેશમાં 150,000+ ડોલરનો પગાર મળી શકે છે.  તેમાં રિસર્ચ અને ડેવલોપમેન્ટમાં લાંબા ગાળાનુ કરિયર છે. એના માટે AI/ડીપ લર્નિંગમાં પીએચડી અથવા માસ્ટર્સ, રિસર્ચ પેપર પ્રકાશિત કરવાનો અનુભવ હોવો જોઈએ.
  
• રોબોટિક્સ એન્જિનિયર
  આ લોકો રોબોટિક મશીનો અને ઓટોમેશન સિસ્ટમ્સ ડિઝાઇન અને ડેવલોપમેન્ટનું કામ કરે છે. તેમાં ભારતમાં વાર્ષિક 6-12 લાખ રૂપિયા અને વિદેશમાં 90,000+ ડોલરનો પગાર મળી શકે છે.
  તેની મેન્યુફેક્ચરિંગ, હેલ્થકેર અને ઓટો ઈન્ડસ્ટ્રીમાં માંગ વધી રહી છે. એના માટે રોબોટિક્સ, મિકેનિકલ + AI/ML ઇન્ટિગ્રેશન, મેટલેબ, C++નો કોર્સ કરેલો હોવો જોઈએ.
  
• AI પ્રોડક્ટ મેનેજર
  આ લોકો AI બેસ્ડ પ્રોડક્ટ્સની સ્ટ્રેટેજી  અને ડેવલપમેન્ટનું નેતૃત્વ કરે છે.  તેમાં ભારતમાં વાર્ષિક 10-12 લાખ રૂપિયા અને વિદેશમાં 110000+ ડોલર પગાર મળી શકે છે. જેમ જેમ કંપનીઓના AI પ્રોડક્ટ્સ વધશે તેમ તેમ તેમની ડિમાન્ડ પણ વધશે. એના માટે MBA + AI/ML કોર્સ, ડેટા એનાલિટિક્સ અને પ્રોડક્ટ ડિઝાઇન સ્કીલ હોવી જોઈએ.
  

વધુ વાંચો : જોઇ, વિશ્વની સૌ પ્રથમ મહિલા AI મિનિસ્ટર? જે ભ્રષ્ટાચાર પર લગાવશે લગામ

ઉલ્લેખનીય છે કે, AI માં કરિયર બનાવવા માટે માત્ર બેઝિક IT સ્કીલ પૂરતી નથી. તેના માટે મેથ્સ, પ્રોગ્રામિંગ અને એનાલિટિકલ થીંકિંગની ઊંડી સમજ પણ જરૂરી છે. જેમાં યોગ્ય કોર્સ અને ટ્રેનિંગ પસંદ કરવી પણ જરૂરી છે. અનેક યુનિવર્સિટીઓ અને ઓનલાઈન પ્લેટફોર્મ જેમ કે Coursera, edX, Udemy અને IIT/NIT ના સ્પેશલાઈઝ્ડ પ્રોગ્રામ AI અને મશીન લર્નિંગ સંબંધિત સર્ટિફિકેટ અને ડિગ્રી કોર્સ ઓફર કરે છે. જેમાં અભ્યાસ કરીને તમને ઉંચા પેકેજ પર મલ્ટીનેશનલ કંપનીઓમાં નોકરી મળી શકે છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ