જાણવા જેવું / હવે અજાણ્યો વ્યક્તિ તમને નહીં કરી શકે WhatsApp Call, ખાલી ઓન કરી દો આ સેટિંગ

આજના સમયમાં WhatsApp માત્ર ચેટિંગ એપ નથી રહી, પરંતુ લોકો માટે રોજિંદા જીવનનો ભાગ છે. દુનિયાભરમાં લગભગ 3 અબજથી વધુ લોકો WhatsAppનો ઉપયોગ કરે છે, જ્યારે ભારતમાં જ તેના 85 કરોડથી વધુ યુઝર્સ છે. મેસેજ, ફોટા, વીડિયો અને વોઇસ-વિડિયો કોલ માટે લોકો સૌથી વધુ WhatsApp પર આધાર રાખે છે. પરંતુ છેલ્લા કેટલાક સમયમાં અજાણ્યા અને ફ્રોડ કોલ્સ લોકો માટે માથાનો દુખાવો બની ગયા છે. ઘણા સ્કેમર્સ હવે WhatsApp દ્વારા લોકોને ટાર્ગેટ કરીને છેતરપિંડી કરવાનો પ્રયાસ કરી રહ્યા છે.

અજાણ્યા નંબરોથી કોલ કરી શકે

છેતરપિંડી કરનારાઓ આંતરરાષ્ટ્રીય અથવા અજાણ્યા નંબરો પરથી કોલ કરીને પોતાને બેંક કર્મચારી, ડિલિવરી એજન્ટ અથવા કસ્ટમર કેર સ્ટાફ તરીકે રજૂ કરે છે. ઘણા લોકો આવી ટ્રિકમાં ફસાઈને પોતાની વ્યક્તિગત માહિતી અથવા પૈસા ગુમાવી બેસે છે. આ સમસ્યાને ધ્યાનમાં રાખીને WhatsApp એ “Silence Unknown Callers” નામનું ખાસ ફીચર આપ્યું છે. આ સેટિંગ ચાલુ કર્યા પછી તમારા કોન્ટેક્ટમાં સેવ ન હોય એવા નંબરો પરથી આવતા કોલ્સ આપમેળે સાઇલેન્ટ થઈ જાય છે. એટલે કે ફોન રિંગ નહીં થાય, પરંતુ કોલ WhatsApp કોલ હિસ્ટ્રી અને નોટિફિકેશનમાં દેખાતો રહેશે.

બંને યુઝર્સ માટે ઉપલબ્ધ

આ ફીચર Android અને iPhone બંને યુઝર્સ માટે ઉપલબ્ધ છે. તેને ચાલુ કરવા માટે સૌથી પહેલા WhatsApp ખોલવું પડશે. ત્યારબાદ Settingsમાં જઈ Privacy વિકલ્પ પસંદ કરવો. ત્યાં નીચે સ્ક્રોલ કરતાં Calls નામનો વિકલ્પ જોવા મળશે. Callsમાં જતાં “Silence Unknown Callers” નામનું સેટિંગ મળશે. તેની બાજુમાં આપેલા બટનને ON કરતા જ અજાણ્યા નંબરો પરથી આવતા કોલ્સ સાઇલેન્ટ થઈ જશે. Android ફોનમાં આ સેટિંગ ત્રણ ડોટ મેનૂમાં મળે છે, જ્યારે iPhoneમાં સીધું Settings વિભાગમાં ઉપલબ્ધ હોય છે.

કોઇનો કોલ બ્લોક કરતું નથી

આ સુવિધાનો સૌથી મોટો ફાયદો એ છે કે તે કોઈને બ્લોક કરતી નથી. જો કોઈ મહત્વપૂર્ણ વ્યક્તિ નવા નંબર પરથી કોલ કરે તો તેનો મિસ્ડ કોલ તમે પછીથી જોઈ શકો છો અને જરૂર હોય તો જવાબ આપી શકો છો. એટલે સુરક્ષા સાથે સુવિધા પણ જળવાઈ રહે છે. જોકે, જો તમે પહેલા કોઈ નંબર સાથે ચેટ અથવા કોલ કર્યો હશે, તો WhatsApp તેને અજાણ્યો નંબર ગણશે નહીં અને તેના કોલ્સ સામાન્ય રીતે આવશે. ઘણા યુઝર્સે આ બાબતને લઈને ઓનલાઈન ચર્ચા પણ કરી છે.

આ પણ વાંચો : તરત કરો આ રિચાર્જ, સસ્તો થયો 365 દિવસ ચાલનારો પ્લાન, જાણો ઓફરની છેલ્લી તારીખ

ડિજિટલ યુગમાં જ્યાં ઓનલાઈન સ્કેમ અને ફ્રોડ ઝડપથી વધી રહ્યા છે, ત્યાં આવી પ્રાઇવસી સેટિંગ્સ ખૂબ જ મહત્વપૂર્ણ બની ગઈ છે. ખાસ કરીને કામ દરમિયાન, મીટિંગમાં અથવા રાત્રે ઊંઘ દરમિયાન આવતાં અનિચ્છનીય કોલ્સથી હવે સરળતાથી બચી શકાય છે. WhatsAppનું આ ફીચર સંપૂર્ણ રીતે સ્પામ બંધ નહીં કરે, પરંતુ યુઝર્સને વધુ નિયંત્રણ અને માનસિક શાંતિ જરૂર આપશે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ