વિકાસ / વિશ્વમાં સ્ટીલ કિંગ ગણાતા ઉદ્યોગપતિએ ગુજરાત સરકાર પાસે 11 લાખ ચો.મી જમીન માંગી, જાણો શેની માટે

• ઉધોગપતિ લક્ષ્મી મિત્તલે ગુજરાત સરકાર પાસે માંગી જમીન
• સુરત જિલ્લામાં અલગ અલગ હેતુની જમીન માગણી કરાઈ 
• છેલ્લા બે વર્ષમાં સરકારે માગણી કરેલી જમીન ફાળવી નથી

ઉધોગપતિ લક્ષ્મી મિત્તલે ગુજરાત સરકાર પાસે  જમીન માંગી છે. સુરત જિલ્લામાં અલગ અલગ હેતુથી જમીનની માંગણી કરી છે કહેવાય છે કે આ અંગે તેઓ Pm મોદી અને CM રૂપાણી સાથે મીટીંગ કરી ચુક્યા છે પણ તેનું હજુ સુધી તો કોઈ નક્કર પરિણામ નથી આવ્યુ પરંતુ મિત્તલ અહીં હરાજો કરોડનુ રોકાણ કરવા માંગે છે તેવું ઔદ્યોગિક સૂત્રોનું કહેવું છે. 

છેલ્લા બે વર્ષમાં સરકારે માગણી કરેલી જમીન ફાળવી નથી

લક્ષ્મી મિત્તલ દ્વારા વારંવાર માંગણી કરવા છતા તેમને જમીન ફાળવાઈ નથી પરંતુ આ વખતે કદાચ તેમને જમીન મળી શકે. સરકારી 11,88,389 ચો.મી જમીનની માગણી કરી હતી પણ સરકારે છેલ્લા 2 વર્ષથી કોઈ જમીન ફાળવી નથી. 

ક્યાં કયાં માંગી જમીન

સુરતમાં બંદર વિભાગ સુરત પોલીસની 1,25,150 ચો.મી જમીનની માગણી કરી હતી. જ્યારે હજીરા ગ્રામ પંચાયત હસ્તકની 44,819 ચો. મી જમીનની માંગી હતી અને નિયામક બંદર વિભાગ હસ્તકની 6,51,737 ચો.મી જમીન માગણી કરવામાં આવી હતી. 

લક્ષ્મી મિત્તલે ગુજરાતની લીધી હતી મુલાકાત

વિશ્વના સ્ટીલ ઉદ્યોગના અગ્રણી ઉદ્યોગપતિ લક્ષ્મી મિતલ ગુજરાતની મુલાકાત લીધી હતી. લક્ષ્મી મિતલે દેશના PM મોદી, CM વિજય રૂપાણી અને DyCM નીતિન પટેલ સાથે અમદાવાદ એરપોર્ટ  પર મુલાકાત કરી છે. સૌ કોઇ તર્ક લગાવી રહ્યું હતુ કે આ મિટીંગ પાછળનું કારણ શુ હશે . આ બેઠક અંગે સીએમ વિજય રૂપાણીએ કહ્યું હતુ કે મિતલ ગૃપ આગામી સમયમાં ગુજરાતમાં 50 હજાર કરોડનું રોકાણ કરશે