રાજકારણ / કોળી સમાજમાં નેતૃત્વના મુદ્દે ગરમાયું રાજકારણ, બોટાદના મોટા સખપરમાં આજે મહાસંમેલન

કોળી સમાજમાં નેતૃત્વ અને વર્ચસ્વના મુદ્દે ચાલી રહેલી ખેંચતાણ વચ્ચે આજે બોટાદ જિલ્લાના ગઢડા તાલુકાના મોટા સખપર ગામે કોળી સમાજના મહાસંમેલનનું આયોજન કરવામાં આવ્યું છે. આ સંમેલન સમાજના આગેવાનો દ્વારા યોજાઈ રહ્યું છે, જેમાં મોટી સંખ્યામાં સમાજજનો જોડાય તેવી શક્યતા વ્યક્ત કરવામાં આવી રહી છે.

મળતી માહિતી મુજબ, પ્રવિણ કોળી સહિતના સમાજના વિવિધ આગેવાનોના નેતૃત્વમાં આ મહાસંમેલન યોજાઈ રહ્યું છે. ખાસ વાત એ છે કે સંમેલનમાં કોઈપણ મંત્રી કે ધારાસભ્યની સત્તાવાર હાજરી ન હોવાનું જણાવવામાં આવ્યું છે.

આજે સાંજે 5 વાગ્યે યોજાનારા સંમેલનને લઈને સ્થળ પર તૈયારીઓને આખરી ઓપ આપવામાં આવ્યો છે. આયોજકોના જણાવ્યા અનુસાર, સમાજના વિવિધ પ્રશ્નો, સંગઠનની એકતા અને ભવિષ્યની દિશા અંગે ચર્ચા કરવામાં આવશે. દિલ્હીમાં કુંવરજી બાવળિયાના નેતૃત્વમાં કોળી સમાજનું રાષ્ટ્રીય અધિવેશન યોજાનાર છે.

આ પણ વાંચોઃ વિદેશ જનારા લોકોના કામ અટવાયા, ગુજરાતભરની RTO કચેરીમાં અરજીઓનો ભરાવો

સંમેલન બાદ સમાજના આગેવાનો દ્વારા શું સંદેશ આપવામાં આવે છે અને તેનો સમાજ તેમજ સ્થાનિક રાજકારણ પર શું પ્રભાવ પડે છે તેના પર સૌની નજર મંડાઈ છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ