મહામંથન / ક્યાંક ઉમેદવાર બદલવા પડ્યાં તો ક્યાંક..., જાણો ગુજરાતની કઈ બેઠક પર ભાજપ-કોંગ્રેસ વચ્ચે થશે મજબૂત ફાઈટ?

ગુજરાતમાં ટિકિટ ફાળવણીને લઈને હલચલ તેજ છે..  ભાજપ તરફથી  26 બેઠકોની ટિકિટ ફાળવણી પૂર્ણ થઇ ચૂકી છે.. કેટલીક બેઠક ઉપર ઉમેદવારો સામે વિરોધ પણ થયો છે.. 
વડોદરા, સાબરકાંઠામાં ઉમેદવારોએ ઉમેદવારી પરત ખેંચી છે.  તાજેતરમાં ભાજપે જે યાદી જાહેર કરી તેમાં બાકી રહેતી બેઠકોના હતા ઉમેદવાર હતા, જ્યાં દાવેદારી પરત ખેંચાઈ હતી તે બેઠક ઉપર પણ ઉમેદવાર જાહેર કરી દેવાયા છે.. કોંગ્રેસ તરફથી હજુ ગુજરાતની કેટલીક બેઠક ઉપર ઉમેદવારોની જાહેરાત બાકી છે, જે બેઠકો પર કોંગ્રેસે હજુ ઉમેદવારો જાહેર નથી કર્યા તેમાં 
જૂનાગઢ,અમરેલી, સુરેન્દ્રનગર, વડોદરા,નવસારી,મહેસાણા અને દાદરાનગર હવેલીનો સમાવેશ થાય છે. 

વડોદરા બેઠક પર રંજનબેનના સ્થાને હવે હેમાંગ જોષી

ટિકીટ ફાળવણીમાં વિવાદની વાત કરીએ તો ભાજપે સતત ત્રીજી વાર રંજનબેન ભટ્ટને મેદાને ઉતાર્યા હતા રંજનબેન ભટ્ટ સામે સ્થાનિક સ્તરે અસંતોષ વધારે છે. વડોદરા ભાજપના નેતા જ્યોતિબેન પંડ્યાએ જ રંજનબેનના નામ સામે ઉગ્ર વિરોધ કર્યો હતો. બીજી તરફ ભાજપે જ્યોતિબેનને પક્ષમાંથી હાંકી કાઢ્યા હતા, પરંતુ સ્થાનિક વિરોધને જોતા રંજનબેને ખુદ જ ચૂંટણી લડવા અનિચ્છા દર્શાવી, અંતે ભાજપે અંતે હેમાંગ જોષી ઉપર પસંદગી ઉતારી છે. 

 

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો