કરિયર / રેલવેમાં 2801 એપ્રેન્ટીસ પદોની ભરતી, યોગ્યતા અને છેલ્લી તારીખ સહીતની જાણો ડીટેલ

રેલવેમાં યુવાનો માટે એક સુવર્ણ મોકો આવ્યો છે. જેમાં દક્ષિણ મધ્ય રેલવેમાં મોટી સંખ્યામાં એપ્રેન્ટિસશીપ પદો પર ભરતી પડી છે. 10મું ધોરણ અને ITI લાયકાત ધરાવતા ઉમેદવારો RRC SCR ની સત્તાવાર વેબસાઇટ, scr.indianrailways.gov.in ની મુલાકાત લઈને ઓનલાઈન ફોર્મ ભરી શકે છે. જેમાં અરજી કરવાની અને ફી સબમિટ કરવાની છેલ્લી તારીખ 11 એપ્રિલ 2026 રખાઈ છે.

આ ભરતીમાં કુલ 2801 પદો ભરવામાં આવશે. જેમાં એસી મિકેનિક 251, કારપેન્ટર 22, ઇલેક્ટ્રોનિક મિકેનિક 88,  ઇલેક્ટ્રિશિયન 1258, ફિટર 539,  મશીનિસ્ટ 54, પેઇન્ટર 32, COPA 181,  ડીઝલ મિકેનિક 105, ઇન્ડસ્ટ્રીયલ ઇલેક્ટ્રોનિક્સ 33, મોટર મિકેનિક 12, મિકેનિક મશીન ટૂલ મેન્ટેનન્સ (MMTM) 24, વેલ્ડર 202 જગ્યા ભરવામાં આવશે.

• પાત્રતા માપદંડ
  આ ભરતીમાં ભાગ લેવા માટે ઉમેદવારોએ ઓછામાં ઓછા 50 % ગુણ સાથે 10મું ધોરણ પાસ કરેલ હોવું જોઈએ. તેમની પાસે સંબંધિત ટ્રેડમાં ITI પ્રમાણપત્ર પણ હોવું જોઈએ. ઉમેદવારની લઘુત્તમ ઉંમર 15 વર્ષથી ઓછી ન હોવી જોઈએ અને મેક્સિમમ ઉંમર 24 વર્ષથી વધુ ન હોવી જોઈએ. અનામત કેટેગરીના ઉમેદવારોને નિયમો અનુસાર ઉંમરમાં છૂટછાટ આપવામાં આવશે.
  
• અરજી ફી
   ઉમેદવારોએ અરજી ફોર્મ સાથે 100 રૂપિયા ચૂકવવા પડશે. SC/ST/PwBD/મહિલા ઉમેદવારો આ ભરતીમાં ભાગ લેવા માટે મફતમાં ફોર્મ ભરી શકે છે.
  

વધુ વાંચો : NICમાં સાયન્ટિસ્ટ-B પોસ્ટ માટે પડી ભરતી, જાણો લાયકાતથી સિલેક્શન પ્રોસેસ વિષે

• ફોર્મ કેવી રીતે ભરવું?
  

1. પહેલા સત્તાવાર પોર્ટલ scr.onlineregister.org.in/login ની મુલાકાત લો.
2. વેબસાઇટના હોમ પેજ પર "New User/Registration" પર ક્લિક કરો અને જરૂરી વિગતો ભરીને રજીસ્ટ્રેશન કરાવો.
3. રજીસ્ટ્રેશન બાદ બીજી વિગતો ભરીને ફોર્મ ભરો.
4. તમારી કેટેગરી અનુસાર ફી (જો લાગુ હોય તો) ચૂકવો.
5. ફોર્મ સબમિટ કરો અને પ્રિન્ટઆઉટ લો અને ભવિષ્યના સંદર્ભ માટે તેને રાખો.
   

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ