કરિયર / NICમાં સાયન્ટિસ્ટ-B પોસ્ટ માટે પડી ભરતી, જાણો લાયકાતથી સિલેક્શન પ્રોસેસ વિષે

નેશનલ ઇન્ફોર્મેટિક્સ સેન્ટર (NIC) સાયન્ટિસ્ટ-B પદ માટે ભરતી પડી છે. જેમાં રસ ધરાવતા અને લાયક ઉમેદવારો 24 એપ્રિલ, 2026 સુધી ફોર્મ ભરી શકે છે. NIC માં સાયન્ટિસ્ટતરીકે કામ કરવા માંગતા લોકો માટે આ એક સારો મોકો છે. આ પદો માટે અરજી પ્રક્રિયા 27 માર્ચથી શરૂ થઈ હતી. આ ભરતી પ્રક્રિયા હેઠળ વૈજ્ઞાનિક-B પદ માટે કુલ 243 ઉમેદવારોની પસંદગી કરવામાં આવશે.

• કોણ કરી શકે છે અરજી ?

સાયન્ટિસ્ટ-B પદ માટે અરજી કરવા માટે ઉમેદવારો પાસે એન્જિનિયરિંગમાં સ્નાતકની ડિગ્રી અને GATE સ્કોરકાર્ડ હોવું જરૂરી છે. ઉમેદવારોની ઉંમર 31 માર્ચ 2026 ના રોજ ગણવામાં આવશે. અરજી કરવા માટેની મેક્સીમમ વય મર્યાદા 30 વર્ષ છે. અનામત કેટેગરીના ઉમેદવારોને પણ ઉંમરમાં છૂટછાટ આપવામાં આવશે. SC અને ST ઉમેદવારોને 5 વર્ષની વય મર્યાદામાં છૂટછાટ આપવામાં આવશે. જ્યારે OBC ઉમેદવારોને ત્રણ વર્ષની વય મર્યાદામાં છૂટછાટ આપવામાં આવશે.

• અરજી ફી

અરજી કરવા માટે અરજી ફી ચૂકવવી ફરજિયાત છે. અરજી ફી વગરના ફોર્મ સ્વીકારવામાં આવશે નહીં. જેમાં જનરલ, OBC અને EWS ઉમેદવારો માટે અરજી ફી 800 રૂપિયા નક્કી કરવામાં આવી છે. આં સિવાય SC/ST, દિવ્યાંગ અને મહિલા ઉમેદવારોને અરજી ફીમાંથી મુક્તિ આપવામાં આવી છે.

• પસંદગી પ્રક્રિયા કેવી રીતે હાથ ધરવામાં આવશે?

ઉમેદવારોની પસંદગી તેમના GATE પરીક્ષાના સ્કોર્સ અને ઇન્ટરવ્યુના આધારે કરવામાં આવશે. ઇન્ટરવ્યૂમાં કુલ 40 ગુણ હશે.

વધુ વાંચો : બેંક ઓફ બરોડામાં થઇ રહી છે ભરતી, જાણો પોસ્ટ તથા અરજી કરવાની છેલ્લી તારીખ વિશે

• ઓનલાઈન અરજી પ્રક્રિયા

1. પહેલા સત્તાવાર વેબસાઇટ recruitment.nic.in પર જાઓ.
2. વેબસાઇટના હોમપેજ પર રજીસ્ટ્રેશન લિંક પર ક્લિક કરો
3. કાળજીપૂર્વક દરેક જરૂરી માહિતી દાખલ કરો.
4. જરૂરી ડોક્યુમેન્ટની સ્કેન કરેલી કોપી અપલોડ કરો અને રજીસ્ટ્રેશન ફી ચૂકવો.
5. છેલ્લે તેની પ્રિન્ટઆઉટ લઇ લો.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ