- બોક્સ ઓફિસ પર સલમાનની ફિલ્મનું નબળુ પ્રદર્શન
- આઠમા દિવસે ફિલ્મે કરી ફક્ત આટલી કમાણી
- મેકર્સને હતી ફિલ્મ બ્લોકબસ્ટર હિટ થવાની આશા
સલમાન ખાનની મોસ્ટ અવેઈટેડ ફિલ્મ કિસી કા ભાઈ કિસી કી જાન ઈદ પર રિલીઝ થવાની હતી. સલમાન અને પૂજા હેગડેની ફિલ્મે પહેલા દિવસે ઠીક-ઠીક કમાણી કહી હતી. ફિલ્મને દર્શકોનો મિક્સ રિસ્પોન્સ મળ્યો હતો.
મેકર્સને આશા હતી કે કિસી કા ભાઈ કિસી કી જાન બોક્સ ઓફિસ પર સારો બિઝનેસ કરશે. પરંતુ ફિલ્મની કમાણીમાં સતત ઘટાડો જોવા મળી રહ્યો છે. ફિલ્મને રિલીઝ થયે 8 દિવસ થઈ ગયા છે અને અત્યાર સુધી 100 કરોડ રૂપિયાનો આંકડો પાર નથી કરી શકી.
ફિલ્મ રિલીઝના 8માં દિવસે સામે આવ્યા આંકડા
રિલીઝના આઠમાં દિવસ એટલે કે શુક્રવારે કમાણીનાં આંકડા સામે આવ્યા છે. સલમાનની ફિલ્મને બોક્સ ઓફિસ પર ઓડિયન્સ નસીબ નથી થઈ રહી. કાલે એશ્વર્યા રાયની ફિલ્મ પોન્નિયન સિલ્વન-2 પણ રિલીઝ થઈ છે. પોન્નિયન સેલ્વનથી સલમાનની ફિલ્મને મોટી ટક્કર મળી છે.
8માં દિવસે કમાણી ફક્ત આટલા કરોડ રૂપિયા
'કિસી કા ભાઈ કિસી કી જાન'એ સાતમાં દિવસે 3.5 કરોડનો બિઝનેસ કર્યો હતો અને 8માં દિવસે માત્ર 2 કરોડ રૂપિયાનું કલેક્શન કર્યું. કુલ મળીને સલમાનમી ફિલ્મે અત્યાર સુધી 92.15 કરોડ રૂપિયાનો બિઝનેસ કર્યો છે. ટ્રેન્ડ એનાલિસ્ટ અનુસાર, સલમાન ખાનની ફિલ્મને વીકેન્ડનો ફાયદો મળી શકે છે.
મેકર્સની નજર શનિવાર અને રવિવારના કલેક્શન પર છે. આ વીકેન્ડ પર સલમાનની ફિલ્મ 100 કરોડનો આંકડો પાર કરી કરી શકે છે કે નહીં તે જોવું રસપ્રદ હશે.
