કાર્યવાહી / કીર્તિ પટેલ પર પર કાર્યવાહી, 13 લાખ ફોલોઅર્સવાળું Instagram એકાઉન્ટ ભારતમાં બેન, 10થી વધુ કેસ છે દાખલ

સોશિયલ મીડિયા ઈન્ફ્લુએન્સર કીર્તિ પટેલ સામે મોટી કાર્યવાહી કરવામાં આવી છે. કીર્તિ પટેલનું ઈન્સ્ટાગ્રામ એકાઉન્ટ પ્રતિબંધિત (બેન) કરવામાં આવ્યું હોવાનું સામે આવ્યું છે. તેમના ઈન્સ્ટાગ્રામ એકાઉન્ટ પર 13 લાખથી વધુ ફોલોઅર્સ હતા, જેના કારણે આ કાર્યવાહી સોશિયલ મીડિયા પર ચર્ચાનો વિષય બની છે.

મળતી માહિતી મુજબ, સોશિયલ મીડિયા પ્લેટફોર્મનો ઉપયોગ કરીને ધમકીઓ આપવી, રોફ જમાવવો તેમજ વિવાદાસ્પદ પ્રવૃત્તિઓ સાથે સંકળાયેલા હોવાના આક્ષેપોને ધ્યાનમાં રાખીને આ કાર્યવાહી કરવામાં આવી હોવાનું માનવામાં આવે છે. લાંબા સમયથી કીર્તિ પટેલ વિવિધ વિવાદો અને કાયદાકીય મુદ્દાઓને લઈને ચર્ચામાં રહ્યા હતા.

સૂત્રોના જણાવ્યા અનુસાર, સોશિયલ મીડિયા પ્લેટફોર્મની નીતિઓનું સતત ઉલ્લંઘન થતું હોવાના કારણે તેમના એકાઉન્ટ સામે કડક કાર્યવાહી કરવામાં આવી છે. પરિણામે હવે તેમનું ઈન્સ્ટાગ્રામ એકાઉન્ટ પ્લેટફોર્મ પરથી દૂર કરવામાં આવ્યું છે.

આ પણ વાંચોઃ દુબઈથી મુંબઈ જતી ફ્લાઈટમાં આગની ઘટના, રાજકોટમાં ઈમરજન્સી લેન્ડિંગ, મોટી જાનહાનિ ટળી

જોકે, આ મામલે મેટા (ઈન્સ્ટાગ્રામ) અથવા કીર્તિ પટેલ તરફથી સત્તાવાર નિવેદન જાહેર કરવામાં આવ્યું નથી. સત્તાવાર સ્પષ્ટતા બાદ જ એકાઉન્ટ પ્રતિબંધિત થવા પાછળના ચોક્કસ કારણો અંગે સંપૂર્ણ માહિતી સ્પષ્ટ થઈ શકશે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ