ફટાફટ કરો / Railway Jobs: ધોરણ 10 પાસ માટે સોનેરી તક, રેલવેમાં 3000થી વધારે જગ્યા પર ભરતી

Railway Jobs : આજના સમયમાં દરેક વ્યક્તિ માટે નોકરી શોધવી મુશ્કેલ છે. ત્યારે આજે તમારા માટે એક સારા સમાચાર છે. જી હાં રેલવે દ્વારા ભરતીની જાહેરાત કરવામાં આવી છે. જે યુવાઓ રેલવેમાં નોકરી કરવાનું સપનું જોવે છે તેમના માટે એક શાનદાર તક આવી છે. પૂર્વી રેલવે દ્વારા 2025 માટે એપ્રેન્ટિસની 3115 જગ્યાઓ પર ભરતીની જાહેરાત કરવામાં આવી છે.

આ ભરતી માટે અરજી પ્રક્રિયા 14 ઓગસ્ટ 2025થી શરૂ થશે અને રસ ધરાવતા ઉમેદવારો ઓનલાઈન અરજી કરી શકશે. પૂર્વી રેલવે દ્વારા બહાર પાડવામાં આવેલી માહિતી મુજબ હાવડા, સિયાલદહ, માલદા, આસનસોલ, કાંચરાપાડા, લિલુઆ અને જમાલપુર સહિત વિવિધ વર્કશોપ અને ડિવિઝન માટે ભરતી કરવામાં આવશે.

શૈક્ષણિક લાયકાત

આ યુવાઓ માટે રેલવેમાં કારકિર્દીની શરૂઆત કરવાની આ એક સોનેરી તક છે. આ જગ્યા માટે અરજી કરવા માંગતા ઉમેદવારોએ ઓછામાં ઓછું ધોરણ 10 પાસ હોવું જરૂરી છે. અને સાથે જ સંબંધિત ટ્રેડમાં ITI પાસનું પ્રમાણપત્ર પણ જરૂરી છે. આ બન્ને પ્રમાણપત્ર માન્ય બોર્ડ અથવા સંસ્થાથી મળેલું હોવું જોઈએ.

વય મર્યાદા

અરજી કરનાર ઉમેદવારની વય 15 વર્ષથી 24 વર્ષ હોવી જોઈએ. અનામત કેટેગરીના ઉમેદવારો માટે સરકારી નિયમો અનુસાર ઉંમરમાં છૂટછાટ મળશે.

પસંદગી પ્રક્રિયા

આ ભરતીમાં કોઈ પણ લેખિત પરીક્ષા કે ઈન્ટરવ્યૂ લેવામાં આવશે નહીં. પસંદગી 10માં ધોરણ અને ITIમાં મળેલા ટકાના આધારે મેરિટ પર કરવામાં આવશે. જો બે ઉમેદવારોના ગુણ એકસરખા હશે તો ઉંમર આધારે પસંદગી કરવામાં આવશે જેમાં ઉંમરે મોટા ઉમેદવારને પ્રાથમિકતા મળશે.

ટ્રેનિંગ અને સ્ટાઈપેન્ડ

પસંદ થયેલા ઉમેદવારોને નક્કી થયેલા સમયગાળાની તાલીમ આપવામાં આવશે. તાલીમ દરમ્યાન સરકાર દ્વારા નક્કી કરેલ સ્ટાઈપેન્ડ આપવામાં આવશે. તાલીમ પછી ઉમેદવારોને કામગીરીનો અનુભવ મળશે જે ભવિષ્યમાં સ્થાયી નોકરી માટે લાભદાયી સાબિત થઈ શકે છે.

અરજી ફી

જનરલ, OBC અને EWS કેટેગરીના ઉમેદવારો માટે અરજી ફી ₹100 રહેશે. SC, ST અને મહિલા ઉમેદવારોને કોઈ ફી ચૂકવવાની રહેશે નહીં.

જરૂરી ડોક્યુમેન્ટ્સ

ઓનલાઈન અરજી કરતી વખતે ઉમેદવારોએ 10મું ધોરણ અને ITIના પ્રમાણપત્રો, પાસપોર્ટ સાઇઝ ફોટો, સહી, જાતિ પ્રમાણપત્ર અને આધાર કાર્ડ તૈયાર રાખવું જરૂરી છે.

વધુ વાંચો : જલ્દી કરો! સરકારી નોકરી મેળવવા માટેની આ છે છેલ્લી તક, સપ્તાહ પછી ભરતીઓ બંધ

અરજી કેવી રીતે કરવી ?

આ ભરતી માટે ઉમેદવારોએ 14 ઓગસ્ટ 2025થી લઈને 13 સપ્ટેમ્બર 2025 સુધી માત્ર ઓનલાઇન અરજી કરવાની રહેશે. અરજી કરવાની ઓફિશિયલ વેબસાઈટ છે: https://er.indianrailways.gov.in.

વધુ વાંચો : જાણો રાષ્ટ્રધ્વજ ફરકાવવા અંગેના નિયમો, આ છે ઉતારવાથી લઇને લપેટવાની સાચી રીત