તમારા કામનું / જલ્દી કરો, ONGCમાં વેકેન્સી પડી છે, જાણો લાયકાત, ભરો આ રીતે ફોર્મ

ઓઈલ એન્ડ નેચરલ ગેસ કોર્પોરેશન તરફથી અપ્રેન્ટિસના 2623 ખાલી પડેલા પદો માટે ભરતી પ્રક્રિયા શરૂ કરવામાં આવી હતી અને આજે અરજી કરવાની છેલ્લી તક છે. 16 ઓક્ટોબરથી ચાલી રહેલી અરજી પ્રક્રિયામાં લાયકાત ધરાવતા યુવાનો ongcindia.com પર જઈને તરત અરજી કરી શકે છે. ઓઈલ-ગેસ જેવા પ્રીમિયમ ક્ષેત્રમાં પ્રેક્ટિકલ ટ્રેનિંગ સાથે સારું સ્ટાઈપેન્ડ મેળવવાનું આ ઉત્તમ અવસર ગણાય છે.

કુલ જગ્યાઓ અલગ-અલગ ઝોનમાં વહેંચાઈ છે જેમાં પશ્ચિમ ઝોનમાં સૌથી વધુ 856, મુંબઈ સેક્ટરમાં 569, પૂર્વમાં 458, દક્ષિણમાં 322, સેન્ટ્રલ ઝોનમાં 253 અને ઉત્તર ઝોનમાં 165 જગ્યાઓનો સમાવેશ થાય છે. આખા દેશમાં રહેલા યુવા ઉમેદવારો માટે આ રિક્રૂટમેન્ટ ઓપન રાખવામાં આવી છે.

ઉંમર

અરજીકર્તાની ઉંમર 18 થી 24 વર્ષની વચ્ચે હોવી જરૂરી છે જ્યારે SC/STને 5 વર્ષ, OBCને 3 વર્ષ અને દિવ્યાંગ ઉમેદવારોને 10 વર્ષની વધારાની છૂટ મળશે. ડિપ્લોમા ટ્રેડ માટે 3 વર્ષનું એન્જિનિયરિંગ ડિપ્લોમા અને ગ્રેજ્યુએટ ટ્રેડ માટે સંબંધિત ક્ષેત્રમાં ગ્રેજ્યુએશન ફરજિયાત છે.

પસંદગી પ્રક્રિયા

ONGCમાં અપ્રેન્ટિસની પસંદગી કોઈ પરીક્ષા કે ઈન્ટરવ્યુ વગર માત્ર મેરિટ આધારે થશે. ઉમેદવારને ₹8200 થી ₹12300 સુધીનું સ્ટાઈપેન્ડ મળશે. ટ્રેનિંગ પીરિયડ પૂર્ણ થયા બાદ ONGC જેવી મોટી PSUમાં સ્થાયી નોકરી મળવાની શક્યતા પણ વધી શકે છે.

આ પણ વાંચો : 7 પાસ માટે નોકરીની સુવર્ણ તક, આવી ગઈ હોમગાર્ડની બમ્પર ભરતી, જાણી લો તમામ ડિટેઈલ

અરજી કરવા માટે nats.education.gov.in અથવા apprenticeshipindia.gov.in પર જઈને ઑનલાઈન ફોર્મ ભરવાનું રહેશે. જરૂરી ડોક્યુમેન્ટ્સ સાથે ફી સબમિટ કર્યા બાદ ફોર્મનો પ્રિન્ટ આઉટ રાખવી સલાહનીય છે. યુવાનો માટે આ એ સુવર્ણ તક છે કે જ્યાં ટ્રેનિંગ મેળવવાની સાથે મજબૂત કરિયર ફાઉન્ડેશન બનાવી શકાય.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ