આગાહી / આ દેશમાં તરખાટ મચાવશે ખતરનાક તોફાન, લોકોને ઘર છોડીને ચાલ્યા જવાની કરવામાં આવી અપીલ

• જાપાનમાં ખતરનાક તોફાનનો ખતરો 
• તોફાનને કારણે ભારે વરસાદની પણ આગાહી 
• લોકોને ઘર છોડવાની પણ કરવામાં આવી છે અપીલ 

આમ તો હાલનાં સમયમાં આખી દુનિયામાં પૂર અને પાણીએ તબાહી મચાવી છે પણ હવે જાપાનમાં હજુ એક પ્રાકૃતિક આપત્તિનું અલર્ટ જાહેર કરવામાં આવ્યું છે. અહીં વિનાશકારી તોફાન નાનમાડોલ જાપાનની તરફ વધી રહ્યું છે. આ ખતરાનો અંદાજો એ વાતથી લગાવી શકાય કે જાપાનના લગભગ વીસ લાખ લોકોએ પોતાની જગ્યા છોડીને ક્યાંક બીજે ચાલ્યા જવા માટે કહ્યું છે. 

રવિવારે સમુદ્ર તટ સાથે ટકરાવાની આશંકા 
જાપાની મીડિયા રિપોર્ટ્સ અનુસાર, આ તોફાનનું નામ નાનામાડોલ છે. શનિવારે આ જાપાનના રિમોટ આઈસલેન્ડથી લગભગ 270 કિલોમીટરના અંતરે હતું. આ તોફાનના રવિવારે જાપાનના સમુદ્રી તટ સાથે ટકરાવાની આશંકા જાહેર કરવામાં આવી હતી. આ કારણે આ ઇલાકામાં ભારે વરસાદ થશે. ત્યાર બાદ આ ઉત્તર તરફ આગળ વધી શકે છે. 

કોઈપણ સમયે આવી શકે છે તોફાન 
તોફાનને કારણે જાપાનમા મોસમ વિભાગ તરફથી ચેતવણી જાહેર કરવામાં આવી છે. એક જાપાની ન્યૂઝ એજન્સી અનુસાર, આ તોફાન રવિવારે કોઈપણ સમયે આવી શકે છે. આ તોફાનને કારણે દક્ષિણી ક્ષેત્રના કાગોશીમાં, કુમામોટો અને મિયાઝાકીમાં રહેતા લોકો માટે ખતરો પેદા થઈ ગયો છે. જાપાનના હવામાન વિભાગ તરફથી કાગોશીમા ક્ષેત્રમા રહેતા લોકો માટે ચેતવણી જાહેર કરવામાં આવી છે. 

તોફાનને કારણે ભારે વરસાદની આશંકા 
હાલમાં ચાર સ્તરીય બચાવ નિર્દેશ જાહેર કરવામાં આવ્યા છે. રવિવારે તોફાનને કારણે કાગોશીમામા ભારે વરસાદની પણ આગાહી છે. ત્યાર બાદ આ તોફાન ઉત્તર દિશા તરફ આગળ વધશે અને પછી જાપાનના મુખ્ય દ્વીપ તરફ વધશે. હવામાન વિભાગે જણાવ્યું છે કે અસાધારણ રીતે નાના નાના તોફાનોનો ખતરો છે અને આ કારણે સમુદ્રમાં ઊંચી લહેરો ઉઠશે અને ભારે વરસાદ થશે.