સ્વાસ્થ્ય / રસોઈ બનાવવાનું તેલ ખરાબ તો નથી થઇ ગયું ને? આ પાંચ રીતે કરો ચેક

રસોઈ બનાવવા માટે તેલનો ઉપયોગ કરવામાં આવે છે. જેમાં ઓલિવ (જૈતુન) ઓઇલ ખૂબ જ લોકપ્રિય રસોઈનું તેલ છે. આ તેલમાં અનેક ગુણો હોય છે. છેલ્લા કેટલાક વર્ષોમાં આ તેલે લોકોનું ખૂબ જ ધ્યાન ખેંચ્યું છે. ઓલિવ ઓઈલ એક હર્બલ તેલ છે જેનો ઉપયોગ વાળ અને ત્વચા પર પણ થાય છે. તેની સુગંધ પણ ખૂબ સારી હોય છે. પરંતુ તમે જાણો છો કે રસોડામાં રહેલું આ તેલ બગડી પણ શકે છે. ચાલો જાણીએ કે તેલ ખરાબ થઈ ગયું છે કે નહીં તેની આપણને કેવી રીતે ખબર પડે? આજે તેની રીત સમજીશુ.

• સુગંધમાં ફેરફાર

જો તમને તેલમાંથી અજીબ ગંધ આવે કે પછી ઓગળેલા મીણ અથવા ક્રેયોન રંગ જેવું દેખાય તો સમજી જવું કે, આ તેલ બગાડવા લાગ્યું છે. સારા ઓલિવ ઓઈલમાં હળવી, ફ્રુટી અને હર્બ જેવી સુગંધ હોય છે. જો તેલ લાંબા સમય સુધી સંગ્રહિત હોય અને બાદમાં ઉપયોગમાં લેવામાં આવે તો પહેલા તેને સૂંઘીને ચેક કરો.

• ટેસ્ટમાં અંતર

ઓલિવ ઓઈલનો સ્વાદ સંતુલિત હોય છે. જે ચીકણો તીખો અને થોડી સરળ, થોડો  કડવા જેવો હોય છે. જ્યારે તે ખરાબ થાય છે, ત્યારે તેનો સ્વાદ પણ બદલાય છે. તેમાંથી ચીકણી કે વાસી સુગંધ આવે છે. જેથી સમજી જવું કે, આ તેલ ખરાબ થઈ રહ્યું છે. રાંધતા પહેલા આ તેલને થોડું ચાખી  લેવું.

• રંગમાં ફેરફાર

જો ઓલિવ ઓઈલનો રંગ પીળો કે મેલા જેવો દેખાવા લાગે તો તે તેલ બગડી ગયું હોવાનો સંકેત હોઈ શકે છે. તાજું ઓલિવ ઓઈલ સામાન્ય રીતે આછા લીલા રંગનું અને આછા પીળા લીલા મિક્સ રંગનું હોય છે.

• તેલની બનાવટ

ઓલિવ ઓઈલમાં હંમેશા ચિકણાઈ હોય છે જે રૂમ ટેમ્પ્રેચર પર સામાન્ય રહે છે. જો તેલ બગડવાનું શરૂ કરે તો તે ચીકણુ અને જાડું દેખાવા લાગે છે. જેનો અર્થ એ થાય કે બહારની હવાના સંપર્કમાં આવવાથી આ તેલ બગડવાનું શરૂ થઈ ગયું છે.

વધુ વાંચો : ઉત્તરાયણ પર ગુજરાતીઓની ફેવરિટ સોફ્ટ ચિક્કી બનાવવાની રેસીપી, મોઢામાં મૂકતાં જ ઓગળી જશે

• એક્સપાયરી ડેટ

તમારે તેલની એક્સપાયરી ડેટ તપાસતા રહેવું જોઈએ. ઘણી વાર તેલ ઘરમાં જ રહે છે પણ આપણે તે વાતની ખાતરી કરવાનું ભૂલી જઈએ છીએ કે બોટલ પર તેની મેન્યુફેક્ચર અને એક્સપાયરી ડેટ લખેલી છે કે નહીં. તમારે આ તેલ ખરીદ્યા બાદ 3 થી 6 મહિનાની અંદર તેનો ઉપયોગ કરવો જોઈએ. ધ્યાનમાં રાખો કે બોટલોમાં જે તેલ પર લાંબી એક્સપાયરી ડેટ લખેલી હોય છે તે ઓરીજનલ ઓલિવ ઓઈલ નથી.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ