IPL 2024 ની શરૂઆત પહેલા, ટૂર્નામેન્ટના ઓલ ટાઈમ ગ્રેટ ઈલેવનની પસંદગી કરવામાં આવી છે. મુંબઈ ઈન્ડિયન્સના ભૂતપૂર્વ કેપ્ટન રોહિત શર્માને આ ટીમમાં સામેલ કરવામાં આવ્યો નથી, જેણે પોતાની કેપ્ટનશિપમાં MIને પાંચ વખત ચેમ્પિયન બનાવ્યું હતું. ચેન્નાઈ સુપર કિંગ્સ (CSK)ના કેપ્ટન એમએસ ધોનીને આ ટીમના કેપ્ટન તરીકે નિયુક્ત કરવામાં આવ્યા છે. આ સિવાય સુરેશ રૈના, શેન વોટસન અને રવિન્દ્ર જાડેજા સહિત ઘણા મોટા ખેલાડીઓને આ ટીમમાં સ્થાન મળ્યું છે.
ટીમ ઈન્ડિયાના સૌથી સફળ કેપ્ટન એવા મહેન્દ્ર સિંહ ધોનીને રવિવારે ઈન્ડિયન પ્રીમિયર લીગ એટલે કે IPLના ઓલ ટાઈમ ગ્રેટ ટીમના કેપ્ટન પસંદ કરવામાં આવ્યા હતા. 20 ફેબ્રુઆરીના રોજ IPLને 16 વર્ષ પૂરા થઈ જશે. આ દિવસે જ IPLનું પહેલું ઓક્શન કરવામાં આવ્યું હતું અને આ અવસર પર ઘણા પૂર્વ ખેલાડીઓ સાથે મળીને ઓલ ટાઈમ ગ્રેટ ટીમની પસંદગી કરી છે.
આ ટીમની પસંદગી 2008માં શરૂ થયેલી વિશ્વની સૌથી લોકપ્રિય T20 લીગની સફળતાની ઉજવણી કરવા માટે કરવામાં આવી હતી. આ પેનલમાં સનરાઈઝર્સ હૈદરાબાદના ભૂતપૂર્વ કોચ ટોમ મૂડી, કેકેઆર માટે કામ કરનાર વસીમ અકરમ, આરસીબી માટે રમનારા ડેલ સ્ટેન, સીએસકેના મેથ્યુ હેડન અને લગભગ 70 પત્રકારો પસંદગી પ્રક્રિયામાં સામેલ હતા
ક્રિસ ગેલ અને વિરાટ કોહલીને આ ટીમમાં ઓપનિંગ બેટ્સમેન તરીકે પસંદ કરવામાં આવ્યા હતા, જેમણે ઘણા વર્ષોથી આરસીબી માટે ઓપનિંગ કર્યું હતું. જ્યારે ચેન્નાઈ સુપર કિંગ્સના ભૂતપૂર્વ દિગ્ગજ સુરેશ રૈના અને આરસીબીના એબી ડી વિલિયર્સને મિડલ ઓર્ડરમાં સ્થાન મળ્યું છે. શેન વોટસનને પણ મિડલ ઓર્ડરમાં રમવા માટે પસંદ કરવામાં આવ્યો છે.
બોલિંગમાં સ્પિનર તરીકે રવિન્દ્ર જાડેજા, અશ્વિન અને યુઝવેન્દ્ર ચહલની પસંદગી કરવામાં આવી છે. જ્યારે ભુવનેશ્વર કુમાર અને જસપ્રિત બુમરાહને ફાસ્ટ બોલિંગ વિભાગમાં સામેલ કરવામાં આવ્યા છે. એમએસ ધોનીને આ ટીમની કપ્તાની સોંપવામાં આવી છે. આ સાથે જ ઈમ્પેક્ટ પ્લેયર તરીકે ચાર ખેલાડીઓને પણ ટીમમાં સ્થાન મળ્યું છે.
વધુ વાંચો: ટીમ ઈન્ડિયા માટે ખરાબ સમાચાર, સીરિઝની સૌથી વધુ વિકેટ લેનાર બોલર નહીં રમે ચોથી ટેસ્ટ મેચ!
IPLની ઓલ ટાઈમ ગ્રેટ XI:
વિરાટ કોહલી, ક્રિસ ગેલ, સુરેશ રૈના, એબી ડી વિલિયર્સ, શેન વોટસન, એમએસ ધોની (કેપ્ટન), રવિન્દ્ર જાડેજા, યુઝવેન્દ્ર ચહલ, રવિ અશ્વિન, ભુવનેશ્વર કુમાર અને રવિચંદ્રન અશ્વિન.
ઈમ્પેક્ટ પ્લેયર્સ - ડેવિડ વોર્નર, સૂર્યકુમાર યાદવ, હાર્દિક પંડ્યા અને સુનીલ નારાયણ.
મુખ્ય કોચ - સ્ટીફન ફ્લેમિંગ.
VTV Gujarati Newsની તમામ અપડેટ સૌથી પહેલા મેળવવા માટે અમારી WhatsApp ચેનલ ફોલો કરો
.jpg)
