IND vs ENG / ટીમ ઈન્ડિયા માટે ખરાબ સમાચાર, સીરિઝની સૌથી વધુ વિકેટ લેનાર બોલર નહીં રમે ચોથી ટેસ્ટ મેચ!

• ટીમ ઈન્ડિયાએ રાજકોટમાં રમાયેલી ત્રીજી ટેસ્ટ રેકોર્ડ 434 રને જીતી લીધી. 
• સીરિઝની ચોથી ટેસ્ટ રાંચીમાં 23 થી 27 ફેબ્રુઆરી દરમિયાન રમાશે.
• આ પહેલા ભારતની પ્લેઈંગ ઈલેવનમાં મોટો ફેરફાર થવા જઈ રહ્યો છે. 

ભારતીય ક્રિકેટ ટીમે રાજકોટમાં રમાયેલી ત્રીજી ટેસ્ટ રેકોર્ડ 434 રને જીતી લીધી હતી અને 5 મેચની સીરિઝમાં 2-1ની લીડ મેળવી હતી. હવે આ સીરિઝની ચોથી ટેસ્ટ 23 ફેબ્રુઆરીથી રાંચીમાં રમાશે. દરમિયાન એવા સમાચાર સામે આવી રહ્યા છે કે ભારતીય ઝડપી બોલર જસપ્રિત બુમરાહને આ મેચમાંથી આરામ આપવામાં આવી શકે છે.  

A win for the ages 🇮🇳 pic.twitter.com/nzOmknxKWk

— Jasprit Bumrah (@Jaspritbumrah93) February 18, 2024

બુમરાહ ટીમ સાથે રાંચી નહીં જાય 
હવે આ સીરિઝની ચોથી ટેસ્ટ રાંચીમાં 23 થી 27 ફેબ્રુઆરી દરમિયાન રમાશે. પરંતુ આ પહેલા ભારતની પ્લેઈંગ ઈલેવનમાં મોટો ફેરફાર થવા જઈ રહ્યો છે. એક અહેવાલ અનુસાર, ભારતીય ટીમ મંગળવારે એટલે કે 20 ફેબ્રુઆરીના રોજ રાજકોટથી ઉડાન ભરશે અને બુમરાહ ટીમ સાથે પ્રવાસ નહીં કરે. તે રાજકોટથી અમદાવાદ જશે એવું કહેવાય રહ્યું છે. આ સાથે જ તે ધર્મશાલામાં સીરિઝની 5મી અને અંતિમ ટેસ્ટ રમશે કે નહીં તે ચોથી ટેસ્ટ મેચના પરિણામ પર નિર્ભર રહેશે. જણાવી દઈએ કે સિરીઝની છેલ્લી ટેસ્ટ 7 માર્ચથી રમવાની છે.

Jasprit Bumrah set to be rested from the 4th Test against England in Ranchi. (Cricbuzz). pic.twitter.com/7L3EyHjaHP

— Mufaddal Vohra (@mufaddal_vohra) February 19, 2024

બુમરાહને વર્કલોડને ધ્યાનમાં રાખીને આરામ આપવામાં આવશે 
એ વાત તો જાણીતી જ છે કે બુમરાહ સતત ટેસ્ટ ક્રિકેટ રમી રહ્યો છે અને વર્કલોડને ધ્યાનમાં રાખીને તેને આરામ આપવામાં આવી શકે છે. આ પહેલા મોહમ્મદ સિરાજને વિશાખાપટ્ટનમમાં બીજી ટેસ્ટમાંથી આરામ આપવામાં આવ્યો હતો. જો બુમરાહને રાંચી ટેસ્ટમાંથી આરામ આપવામાં આવે છે તો તેની જગ્યાએ મુકેશ કુમારને ટીમમાં સામેલ કરવામાં આવી શકે છે. જો કે બીસીસીઆઈ તરફથી હજુ સુધી આ અંગે કોઈ સ્પષ્ટ માહિતી સામે આવી નથી.

આ સીરિઝમાં બુમરાહનું પ્રદર્શન શાનદાર રહ્યું છે 
બુમરાહ હાલમાં આ સીરિઝની સૌથી વધુ વિકેટ લેનાર બોલર બન્યો છે. અત્યાર સુધી તેણે 3 ટેસ્ટની 6 ઇનિંગ્સમાં 13.65ની એવરેજથી 17 વિકેટ ઝડપી છે. આ દરમિયાન તેણે એક વખત 5 વિકેટ ઝડપી છે. તેના પછી ઈંગ્લેન્ડનો સ્પિનર ​​ટોમ હાર્ટલી આવે છે, જેણે 33.19ની એવરેજથી 16 વિકેટ લીધી છે. આ યાદીમાં ભારતીય ઓલરાઉન્ડર રવિન્દ્ર જાડેજા 12 વિકેટ સાથે ત્રીજા સ્થાને છે.

વધુ વાંચો: રોહિત શર્માએ પિચને લઈને ઈંગ્લેન્ડને આપી ચેલેન્જ... આ બે ખેલાડીઓના ખૂબ કર્યા વખાણ

હૈદરાબાદમાં રમાયેલી પ્રથમ ટેસ્ટમાં ભારતનો 28 રને પરાજય થયો હતો. આ પછી યજમાન ટીમે વિશાખાપટ્ટનમમાં 106 રનથી જીત મેળવીને સીરિઝમાં બરાબરી કરી લીધી હતી. આ પછી, ભારતીય ટીમે રાજકોટમાં રનના સંદર્ભમાં તેની સૌથી મોટી જીત નોંધાવી અને સીરિઝ 2-1ની લીડ મેળવી. હવે રોહિત શર્માના નેતૃત્વમાં ટીમ પાસે સીરિઝ કબજે કરવાની સુવર્ણ તક છે.

VTV Gujarati Newsની તમામ અપડેટ સૌથી પહેલા મેળવવા માટે અમારી WhatsApp ચેનલ ફોલો કરો